E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Kastriot Myftaraj/ Garancia për Metën nga Ambasadori Lu se nuk do të arrestohet, si garancia e Hollbrukut për Karaxhiçin

6 Korrik 2016, 17:25, Aktualitet CNA

Ilir Meta iu ka dhënë fjalën amerikanëve se në 21 korrik nuk do të ketë më hile prej tij si deri më sot, që ka penguar miratimin e Reformës në Drejtësi. Këtë herë Meta ka vendosur që t? i besojë garancisë konfidenciale të amerikanëve se ai nuk do të arrestohet pas miratimit të pakos së Reformës në Drejtësi. Përkundër këshillave të Berishës, i cili i thotë Metës se amerikanët do ta gënjejnë keq këtë herë. Madje edhe kundër instinktit politik të vetë Metës.

Meta i cili tashmë ka 25 vite në politikë, dhe ka qenë shtatë herë deputet, kryeministër, dy herë zëvendëskryeministër, dy herë Ministër i Punëve të Jashtme, nënkryetar i PS-së, kryetar i Kuvendit, ka mjaftueshëm përvojë politike për ta kuptuar se në realitetin e ri të krijuar me miratimin e Reformës në Drejtësi, nuk ka vend për LSI.

Reforma në Drejtësi synon t? i japë një individi, Kryeministrit të tashëm, që është edhe kryetari i shumicës parlamentare në vend, një pushtet të tillë që nuk e ka pasur askush në Shqipëri në këtë çerekshekulli të pluralizmit politik. As Berisha kur ka qenë President, as Nano në ditët e tij më të mira në pushtet, as Meta kur ka qenë kryeministër, nuk e kanë pasur një pushtet të tillë si ai që siguron Rama pas miratimit të Reformës në Drejtësi.

Meta duhet ta kuptojë se, kur qeveria amerikane po ia jep këtë pushtet Ramës, dhe Meta e di se kjo gjë bëhet në sajë të lobingut të Sorosit te Administrata e Obamës, nuk po ia jep që Rama ta ketë edhe LSI-në e Metën si atë gjylen prej hekuri që ua lidhnin me zinxhir të dënuarve në burgjet mesjetare. Presioni amerikan për miratimin e Reformës në Drejtësi është pako bashkë eliminimin politik të Metës dhe shpërbërjen e LSI-së. Sesi do të bëhet eliminimi politik i Metës është thjesht një çështje taktike.

Meta si politikan ka aftësi të jashtëzakonshme bindëse ndaj individëve të cilët kërkon t? i përdorë. Një nga arritjet më të mëdha të Metës të këtij lloji është anekdotike: Meta, si të thuash i tha gomarit ?Ti je kryetar i luanëve!? dhe gomari i shkretë e besoi këtë dhe nisi ta quajë veten kryetar i luanëve. Prandaj është e çuditshme që Meta, i cili i parandjen të gjitha ato rreziqe që thashë më lart, është vënë në pozitën e atij gomarit i cili kur shikonte ujkun që po e shqyente thoshte ?O Zot, bëje ëndërr!?

Në të vërtetë, në një datë të papërcaktuar pas 21 korrikut, Meta do të shikojë se do t? i duket ëndërr e gjithë karriera e tij e pabesueshme politike e deritanishme. Nëse kjo do të jetë ëndërr e një nate vere, apo ëndërr e një nate vjeshte apo dimri, ky është thjesht një detaj në këtë histori me një fund të paracaktuar.

Koha do të tregojë se garancia konfidenciale që Meta ka nga amerikanët se ai nuk do të eliminohet politikisht dhe nuk do të arrestohet pas miratimit të Reformës në Drejtësi, nuk vlen më shumë se garancia që mori Radovan Karaxhiçi nga Hollbruku se ai nuk do të arrestohej nëse pranonte dhe respektonte marrëveshjen e Daytonit./Shkruar ekskluzivisht për citynews.al