web counter
LEXO PA REKLAMA!

SHKARKO APP

App Store
Google Play

Jezu Krishti i shkruan Keti Bazhdarit

6 Korrik 2016, 16:50, Aktualitet CNA

E nderuar Keti! Me veshët ngritur dëgjova këtu lart ku jam, që ju më keni quajtur socialist, meqë kur isha aty poshtë mendoja për fukarenjtë. Sic mendoni edhe ju drejtuesit socialistë në fakt.

E para e punës Keti, shumë flm që më quani të tillë.

Nuk e di a është mire, apo keq te me quani socialsit, por unë edhe këtu lart kam mbetur tolerant. Edhe kur më shajnë edhe kur më qëllojnë, ju kthej faqen tjetër.

Meqë jam socialist, a mundesh të më dërgosh ca ilace të mira nga ilacet e fabrikave të ndonjë socialisti aty poshtë.

Aman m’i nis sa më shpejt, se po më dhembin akoma kockat dhe plagët që mora në tokë. Si the?! Nuk bëjnë efekt, janë kot. Eeehhh c’më gjeti!

Po dërgo të lutem ndonjë tip të forti nga ata që keni me shumicë në parti. Dua që të frikësojë Judën, se më bie në qafë edhe këtu lart. Mos i dërgo me pistoleta, të lutem.

Edhe dicka se s’dua ta zgjas. Më dërgo edhe ndonjë rrobë, se këtu bën ftohtë ndonjëherë. Më dërgo ndonjë pelerinë te bukur nga fabrikat fasone që kanë socialistët. Ngjyrën zgjidhe vetë. Mirë është të jetë ngjyrë mavi, jo blu, meqë këtu lart në qiell bluja e pelerinës nuk do duket me ngjyrën e qiellit.

Me se të m’i dërgosh? Po dërgoji me vinc. Keni plot socialistë aty poshtë që kanë vinca që ndërtojne pallatë deri këtu lart më qiell Ose dërgomi me avionët e tyre personalë.

Aman Keti, të përgjërohem socialistisht

Të puth në ballë

Jezu Krishti, fukarai socialist

 

 





Lajmet e fundit nga