Hyrja për tek Kulla Sahatit do të bëhet me pagesë

4 Korrik 2016, 09:25, Aktualitet CNA

Kulla e Sahatit, një nga simbolet më të rëndësishme dhe identifikuese të kryeqytetit shqiptar, Tiranës do të mund të vizitohet kundrejt pagesës. Vendimi i propozuar për Këshillin Bashkiak parashikon që hyrja në muzeun e Kullës së Sahatit të jetë 200 lekë, shifër e cila rezulton të jetë e përafërt me vlerën e prodhimit.

Më herët këto dy atraksione, si Kulla ashtu edhe Muzeu nuk kanë qenë në gjendje të vizitueshme dhe agjencitë turistike, gjatë shoqërimit të grupeve të turistëve shmangnin shpesh herë vizitat për shkak të amortizimit të madh.

Argumentimi me këtë tarifë ka të bëjë me faktin se Kulla është kthyer në një atraksion të rëndësishëm. ? Kulla e Sahatit, së bashku me muzeun, përbri saj si obkjekte me vlera të padiuskutueshme për trashëgiminë kulturore dhe turizmin vizitohen nga të gjithë turistët që vijnë në Tiranë, jo vetëm për vlerat historike dhe kulturore të traditës që mbarin, por edhe për pozicionin strategjik në qendër të Tiranës. Fluksi gjithnjë në rritje i turistëve dhe i vizitorëve drejt këtyre dy atraksioneve të qytetit kërkon veç të tjerash edhe një menaxhim sa më cilësor të tyre. Nga një sondazh që është kryer në këto objekte gjatë një jave rezulton se vizitorët, kryesishgt të huaj, por edhe shqiptarë janë mesatarisht 75 persona në ditë.?, thuhet në relacionin e Bashkisë, për ? Disa ndryshime në vendimin e Këshillit Bashkiak nr.59 dt. 30.12.2015, për ?Sistemin e Taksave dhe Tarifave vendore të qytetit të Tirnës?, i ndryshuar.

Gjithashtu argumentohet se vendosja e një bilaterie sipas sistemit me xhetona do të ishte një zgjidhje për menaxhimin në vazhdimësi të tyre. Ky sistem vlerësohet i sigurt dhe më i kontrollueshem nga ana e Bashkisë.

Në relacionin e saj, Bashkia sugjeron që vendosja e kësaj tarive do të shërbejë për : valorizimin e obekteve me vlera kulturore dhe historike duke i ofuar kryeqytetit marketing cilësor për trashëgiminë kulturore dhe historike; shtimin e të ardhurave për mirëmbajtjen e këtyre atraksioneve të qytetit.

Pranë muzeut parashikohet të vendoset një punonjës që do të menaxhojë jo vetëm guidën e Muzeut, por do të administojë edhe arkëtimet nga shitja e biletës ( ose xhetona) dhe në fund të çdo dite, të ardhurat e arkëtuara do të grumbullohen nga Bashkia. Në rast se do të vendoset një pajisje me xhetona, atëherë ajo do të përballohet 100% nga të ardhurat e mbledhura nga tarifa.

Bashkia propozon që nga kjo pagesë të përjashtohen kategori të ndryshme, si : nxënësit e shkollave, pensionistët, veteranët, invalidët e punës e të luftës, përfituesit e ndihmës ekonomike ( të verbër, para dhe tetraplegjikë, personat me aftësi të kufizuar etj.)

Kulla e Sahatit është ndërtuar në vitin 1822 . Ka 90 shkallë në formë spiraleje . Është 35 metra e lartë dhe deri në vitin 1970 ka qënë ndërtesa më e lartë e kryeqytetit. Fillimisht kishte një kambanë të sjellë nga Venecia e cila binte për cdo orë. Kupola e vendosur në majë i jep asaj një arkitekturë të tipit alla San Marko. Në viti 1928 Bashkia e Tiranës bleu një orë nga Gjermania. Kjo orë u shkatërrua gjatë luftës së Dytë Botërore dhe u zëvendësua në vitin 1946 me orën e sjellë nga kisha e Shkodrës , e cila kishte shifra romake. Ora e sotme është vendosur në vitin 1970. Kulla e Sahatit është e hapur për turistët që prej vitit 1996. Ajo është gjithashtu simbol i emblemës së Bashkisë së Tiranës./monitor