web counter
LEXO PA REKLAMA!

SHKARKO APP

App Store
Google Play

E fundit!

x

TIA: Përgjegjësinë për grabitjen e ka policia/ Të ruhet konfidencialiteti i hetimeve

4 Korrik 2016, 07:59, Aktualitet CNA

Në një deklaratë për shtyp pas grabitjes të  disa miliona valutë në Rinas dhe pas akuzave të Policisë së Shtetit ndaj shërbimeve aeroportuale, TIA ka fajësuar Policinë si përgjegjëse për ruajtjen e sigurisë në aeroport.

Drejtoresha e komunikimit në TIA, Arlinda Çausholli, ka kërkuar nga organet shtetërore rrespektimin e konfidencialitetit të hetimeve dhe të detajeve që publikohen.

?TIA dëshiron që të ruhet etika dhe konfidencialiteti i hetimeve në lidhje me grabitjen e parave?, tha Çausholli

Më tej ajo ka përgënjeshtruar Policinë e Shtetit, duke u shprehur se ajo është njoftuar menjëherë, kur autorët e grabitjes ishin ende në aeroport dhe jo 10 minuta pasi ishin larguar, siç pretendon Policia.

?Raportimi për ngjarjen në fjalë në Polici ka qenë i saktë. TIA ka zbatuar me korrektësi njoftimin ndaj policisë. Njoftimi është bërë kur makina ishte ende në vendgjare, ndaj sallës operative të policisë?, vijoi ajo

TIA hodhi akuza të rënda ndaj Policisë së Shtetit në lidhje me grabitjen e parave. Sipas TIA-s, policia ndodhej vetëm pak metra nga vendngjarja. Ajo sqaroi se kompania ICTS është përgjegjëse vetëm për shërbimin e sigurisë areoportuale  dhe nuk e zëvendëson Policinë. Ajo theksoi se ICTS nuk ka të drejtë të ndërhyjë dhe se punonjësit janë të paarmatosur. Sipas saj, është policia ajo që duhet të sigurojë patrullat në të gjitha zonat.

?Policia ndodhej vetëm disa metra nga vendngjarja. Sqarojmë se kompania ICTS është përgjegjëse vetëm për shërbimin brenda aeroporit. Punonjësit e ICTS janë të paarmatosur dhe nuk kanë të drejtë të ndërhyjnë. Është policia ajo që duhet të sigurojë patrullat në të gjitha zonat? tha Çausholli

Në fund ajo kritikoi sërisht Policinë e Shtetit duke u shprehur se në rast se qëllimi është shfajësimi atëherë pasojat do të jenë më të rënda se grabitja./citynews





Lajmet e fundit nga