New York Times shkruan sërish për ekstremizmin fetar në Kosovë dhe pro-amerikanizmin

3 Korrik 2016, 20:53, Aktualitet CNA

Kosova dhe ndërlidhja e saj me terroristët që luftojnë për organizata ekstremiste edhe njëherë është bërë temë e gazetës më me ndikim në botë The New York Times.

Njëri nga kolumnistët e kësaj gazete, Nicholas Kristof, ka shkruar një kolumne nën titullin ?Terrorizmin që Sauditët e kultivojnë në vendet paqësore?, ku flet për Kosovën si një vend që është shumë pro amerikan, por që në të njëjtën kohë ka shumë njerëz që i janë bashkuar grupeve terroriste në lindjen e mesme.

?Cili vend mysliman e ka hero kombëtare një katolik që në shekullin 15 luftonte pushtuesit myslimanë? Cili vend mysliman është aq pro-amerikan që ka një përmendore të Bill Clinton-it dhe një dyqan rrobash që ka emrin ?Hillary? e që gjendet në bulevardin Bill Clinton? Cili vend mysliman ka më së shumti në Europë qytetarë në proporcion me numrin e banorëve që luftojnë për ISIS-in? Përgjigja për të gjitha këto pyetje është një; Kosova?.

Kështu fillon kolumna e Nicholas Kristof kur flet për përfshirjen e kosovarëve në luftërat e organizatave terroriste dhe ndikimi i Arabisë Saudite në radikalizimin e njerëzve nëpër botë.

?Sa herë që ka një sulm nga terroristët ekstremistë ne kthejmë kokën nga armiqtë tanë si Shteti Islamik dhe Al Qaeda. Por, ndoshta duhet të shikojmë edhe nga ?miqtë? si për shembull Arabia Saudite?, shkruan Kristof.

?Për dekada me radhë Arabia Saudite ka financuar dhe proklamuar Vehabizimin ? një version të ashpër dhe intolerantë të Islamit. Kjo përhapje e Vehabizimit nëpër botë ka prodhuar terrorizëm natyrisht. Dhe nuk ka shembull më të mirë për ta dëshmuar këtë sesa vendet e Ballkanit?.

?Kosova dhe Shqipëria kanë qenë modele të një religjioni të moderuar dhe të tolerancës fetare, dhe siç dëshmon edhe statuja e Clinton-it, kosovarët falënderojnë Shtetet e Bashkuara të Amerikës dhe Britaninë për parandalimin e një gjenocidi nga serbët në vitin 1999 (ka edhe shumë kosovarë adoleshentë që kanë emrin Tony Blair). Prapëseprapë Arabia dhe vendet e Golfit kanë derdhur shumë para në këtë komb të ri këto 17 vitet e fundit dhe kanë ushqyer një ekstremizëm në këtë vend ku normalisht nuk ka pasur të tillë?.

?Siç ka shkruar edhe kolegj ime Carlotta Gall për radikalizmin në Kosovë, paratë e Sauditëve kanë transformuar vendin tolerant në një tokë të favorshme për xhihadizëm?.

?Arabia Saudite po e shkatërron Islamin?, i ka thënë Nicholas Kristof-it, një imam nga Peja Zuhdi Hajzeri.

Hoxha, siç shkruan Kristof, ka thënë se ka marrë aq shumë kërcënime me vdekje saqë nuk mund t?i numërojë, pasi që ai është një imam i moderuar dhe praktikon një linje të islamit tradicional dhe tolerant.

Por, Kritof shkruan se ky nuk është një problem i Kosovës, por një problem global.

?Së pari kam hetuar influencën e Sauditëve në Pakistan, ku sistemi i arsimit është në gjendje të mjerueshme dhe Sauditët e plotësojnë boshllëkun duke financuar linja të forta radikale me mësime falas, ushqim falas dhe bursa studimi për më të mirët?.

Por gazetari amerikan shkruan se gjendja tashmë është më mirë në Kosovë.

?Ende ka ndjenja të forta pro-amerikane. Po ashtu ekziston një pranim i gjerë për figurën e Nënës Terezë, e cila ishte shqiptare. Për më shumë, pas një serie arrestimesh të imamëve radikalë në Kosovë dhe Shqipëri, situata duket se është stabilizuar dhe xhihadistët duket se më nuk po udhëtojnë më për në Siri?.

Gjithsesi, shkruan Kristof, bota duhet ta bëjë një bisedë shumë më të ashpër me Arabinë për rolin e saj në këtë çështje.

(Kosova Sot)