E fundit!

08:01 Kosova & Bota

Ari bie pavarësisht inflacionit të lartë në SHBA, ekspertët shpjegojnë arsyet

Ari po shkon drejt muajit të katërt radhazi në rënie, pava...

Mimoza Hafizi: “President nga populli”, shans për çuar zërin e qytetarëve në Parlament

3 Korrik 2016, 21:06, Aktualitet CNA

Hafizi shpalos alternativën politike që përfaqëson aktualisht në Kuvend sëbashku me deputetin Blushi por thekson se jashtë dyerve të Parlamentit të dy deputetët mbështeten dhe shkëmbejnë ide në mënyrë direkte me vetë qytetarët, pa neglizhuar askënd. Kjo sipas Hafizit pasi vetë baza e kësaj iniciative është krijimi i një ?lëvizjeje të re e cila nuk është lëvizje as për trafikantët, as për oligarkët, as për financimet e fshehta? por një lëvizje krejt qytetare. Deputetja rrëfen se kjo verë do të jetë një stinë takimesh me zërin qytetar ku do të provohet krijimi i një mënyre të re të bërit politikë, e cila ?nuk ka të bëjë as me të majtën e as me të djathtën dhe as me historirat politike të njerëzve të caktuar?.

Hafizi u prononcua edhe mbi raportin e vështirë me Partinë Socialiste aktuale dhe me Rilindjen. Kjo e fundit jo pak here e ka cilësuar binomin Hafizi ? Blushi si pranë opozitës, apo qëndrimeve të të djathtës në Kuvend. Deputetja thotë se njerëzit pranë Rilindjes që përfitojnë nga pushteti aktual nuk duan që askush t?i prekë në benefitet e tyre dhe ndaj ndihen dhe të cënuar. Por, sipas Hafizit, ?pjesa tjetër e socialistëve të ndershëm, të cilët nuk kanë përfituar asgjë nga pushteti, të cilët kanë sakrifikuar me dekada për një parti ndryshe, propaganda e mazhorancës nuk i prek fare?. Këtu Hafizi thekson se veçohen edhe nuk bashkohen me opozitën aktuale parlamentare pasi mënyra e kësaj të fundit në të bërit opozitë është e llojit klientelist.

E pyetur nga gazetarja Progni në do të përfshihen në projektin politik Hafizi ? Blushi një pjesë e personaliteteve politike dhe me kontribut të së majtës por që sot nuk janë aktivë në PS, si për shembull ish ? Presidenti Mejdani, Etem Ruka apo Ilir Zela, deputetja rrëfen se të gjithë janë kontaktuar dhe se janë të mirëpritur për të dhënë kontributin e tyre. Por kjo, sipas Hafizit, varet nga dëshira e tyre për të vazhduar jetën politike, si në rastin e Mejdanit i cili e ka shprehur përkrahjen e tij por e ka të pamundur aktivizimin e përditshëm në politikë. Ftesa mbetet e hapur për të gjithë.

Hafizi u ndal edhe tek 12 korriku, ditë në të cilën Partia Socialiste feston 25 vjetorin me një muaj distancë nga data reale e themelimit të saj. Sipas deputetes gjëja më e pakëndshme në këtë event mbetet mosrespektimi i ditës së themelimit të partisë duke i ndryshuar një nga gjeneralitetet e vet partisë. Kjo ndodh pasi ?Partia Socialiste?, sipas Hafizit, është pushtuar nga Rilindja dhe konfirmon se nuk do të jetë prezente por edhe sepse ende nuk ka marrë një ftesë. Duke qëndruar tek themelimi sipas deputetes Partia Socialise në vite dhe dekada ka ditur të tejkalojë komplekset e të shkuarës nën siglën e PPSH si partia më demokratike në vend por tashmë e ?pushtuar nga jashtë? ka degraduar në autoritarizëm duke humbur vlerat e krijuara.

Gjithashtu Hafizi rikujton mbi peticionin online ?President nga Populli? (në websitin change.org) të iniciativës Hafizi ? Blushi mbi ndryshimet kushtetuese për zgjedhjen e Presidentit nga Populli. Ky peticion sipas deputetes është një shans i mire për të çuar zërin e qytetarëve në Parlament dhe për të bërë të ditur në sallën e Kuvendit se shqiptarët duan ta zgjedhin vetë Presidentin e Republikës, ndaj dhe kërkon ndihmën e institucioneve mediatike që të adresojnë qytetarët drej firmosjes dhe mënyrat se si mund të bëhet. Objektivi tjetër i kësaj iniciative është ulja e pragut të Kushetutës aktuale që percakton se me vetem 2/3 e votave të deputeteve të Kuvendit një ndryshim kushtetues mund t?i kaloje qytetareve per referendum popullor. Hafizi thekson se dëshirohet që ky prag te ulet, ne 2/5 (56 deputete). Keshtu ulen barrierat per te bllokuar dhe nismat popullore.

Ky peticion nuk ka vlerë ligjore por politike pasi, sipas deputetes, siç dihet nëse politika e ndjen peshën e presionit popullor ajo tërhiqet. Një nga qëllimet është vendosja e klasës aktuale politike të ngurtësuar përballë presionit popullor. Madje në këtë mënyrë qytetarët mund të njohin dhe të ndjejnë potencialin e tyre.