web counter
LEXO PA REKLAMA!

SHKARKO APP

App Store
Google Play

Deklaratat e zyrtarit grek/ Shpëtim Idrizi përshëndet qëndrimin e Partisë Demokratike

4 Korrik 2016, 07:35, Aktualitet CNA

 

Kreu i PDIU-së, Shpëtim Idrizi ka përshëndetur sot qëndrimin e Partisë Demokratike për deklaratat e zyrtarit grek në Kongresin e PBDNJ-së.

Këshilltari i kryeministrit grek tha gjatë fjalës së tij në Kongres se minoriteti grek duhet të kishte 2 ministra në qeveri, ndërsa ngriti shqetësimin për pronat e minoritetit në Shqipëri. Nga ana tjetër PD ka reaguar ashpër ndaj këtyre deklaratave duke u shprehur se qëndrime të tilla dhe fajësime ndaj qytetarëve çamë janë të papranueshme dhe armiqësore.

Sot, Idrizi ka përshëndetur qendrimin e PD-së duke e quajtur atë dinjitoz. Përmes një postimi në rrjetet sociale, Idrizi nënvizon se e vlerëson praninë e Edi Palokës dhe Edi Ramës në kongresin e PBDNJ-së.

Në fund, kreu i PDIU i ka bërë thirrje qeverisë shqiptare të protestojë zyrtarisht ndaj qëndrimit atavist dhe të papranueshëm të qeverisë greke.

Deklarata e Shpëtim Idrizit

Partia Drejtësi, Integrim dhe Unitet përshëndet qëndrimin dinjitoz të Partisë Demokratike përkundër deklaratave fyese të këshilltarit të kryeministrit grek ndaj kombit shqiptar.

E vlerësojmë megjithatë, praninë e zotit Paloka dhe të kryeministrit Rama në Kongresin PBDNJ, ku u demonstrua në mënyrë të përsëritur arroganca e megollamonania e çdo zyrtari të vogël të qeverisë greke, e cila do të transferojë hallet e saj në Shqipëri.

PDIU i bën thirrje qeverisë shqiptare të protestojë zyrtarisht ndaj qëndrimit atavist dhe të papranueshëm të përfaqësuesit të qeverisë greke.





Lajmet e fundit nga