E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Skandal/ Qeveria do ndërtojë një bunker të dytë tek Ministria e Brendshme

1 Korrik 2016, 18:35, Aktualitet CNA

?Dashuria? e qeverisë duket të jetë e pafundme për bunkerët simbol të komunizmit.

Burimet i thanë citynews, se qeveria ka nisur sot punimet për ndërtimin e një bunkeri të dytë në afërsi të Ministrisë së Brendshme.

Tashmë nuk do jetë i vetëm bunkeri i cili u dogj nga protestuesit demokratë në dhjetorin e vitit të kaluar dhe më pas u rikonstruktua. I pari, i vendosur tek Rruga ?Abdi Toptani?, në rrugën që lidh Bashkinë e Tiranës me Ministrinë e Brendshme. Të njëjtat burime thanë se bunkeri i dytë do të ndërtohet në krah të Bulevardit ?Dëshmorët e Kombit?, midis Ministrisë së Transportit dhe Ministrisë së Brendshme.

Citynews ka mësuar se Artan Shkreli është njeriu që po monitoron ndërtimin e bunkerit, ashtu sikurse edhe në rastin e ndërtimit të bunkerit të parë në kryeqytet.

Bunkeri i parë, i cili i kushtoi disa miliona euro taksapaguesve shqiptarë, u dogj në protestën e organizuar nga Partia Demokratike në dhjetorin e vitit 2015. Ai u konsiderua si provokim i qeverisë për revokimin e të shkuarës komuniste nga të përndjekurit dhe të dënuarit politik.

Këta të fundit protestuan shpesh, patën takim me Presidentin e Republikës si dhe e ngritën këtë çështje me shqetësim në media, duke kërkuar në mënyrë urgjente prishjen e bunkerit. Jehonë të këtyre protestave pati edhe nga BBC, që i kushtoi një artikull bunkerit që solli polemika në Shqipëri.

Nuk dihet nëse edhe bunkeri i dytë do të sjellë të njëjtin reagim, por ajo çfarë dihet është se investime të tilla, me sfond provokues dhe prapavijë historike, tentojnë të bëjnë zhurmë në opinionin publik. Është i paqartë qëllimi i një bunkeri të dytë, në pothuajse të njëjtën zonë, duke patur një qasje negative ndaj të një bunkeri të ngjashëm me të jo më larg se 6 muaj./citynews