web counter
LEXO PA REKLAMA!

SHKARKO APP

App Store
Google Play

FOTOT/ Kapet hajduti i Korçës, sekuestrohen sendet e vjedhura

1 Korrik 2016, 12:53, Aktualitet CNA

Policia e Korçës ka arrestuar një shtetas 37-vjeçar pasi akuzohet për veprën penale Pastrimi i produkteve të veprës penale.

Burime nga policia bëjnë me dije se është arrestuar shtetasi Elton Kollani, 37 vjeç, banues në Korçë.

Arrestimi i tij u bë pasi, në bazë të informacioneve të marra në rrugë operative, si edhe gjatë kontrollit të ushtruar në banesën këtij shtetasi, janë gjetur e sekuestruar në cilësinë e provës materiale  3 (tre) kompjutera lojrash fati në gjëndje të fikur, një sasi prej 1.400.000 lekë të reja, 7(shtatë) ikona kishtare, të cilat dyshohet se janë vjedhur në Kishat e qytetit të Korçës, 2(dy) palë gërshërë metal- prerëse speciale, 1 (një) levë e cila përdorej për kryerjen e vjedhjeve, 1(një) orë dore, e larë në flori, e markës ?Luzern? si edhe disa bizhuteri argjendi , 2(dy) aparatë celularë .

Këto sende/objekte, u gjetën të fshehura në banesën e shtetasit Elton Kollani dhe dyshohet se janë produkte të përfituara nga 5(pesë) vjedhje, ngjarje të ndodhura gjatë tre muajve të fundit, në qytetin e Korçës.

Nga ana e Policisë, po punohet për të dokumentuar nëse shtetasi i mësipërm rezulton apo jo autor i këtyre vjedhjeve, si edhe vënien përballë përgjegjësisë ligjore të bashkëpunëtorëve të tjerë të mundshëm të tij, në këto vepra penale.

Materialet për hetime të mëtejshme i kaluan Prokurorisë të Rrethit Gjyqësor Korçë, për veprën penale: ?Pastrimi i produkteve të veprës penale?





Lajmet e fundit nga