Presidenti nga Populli/ Mimoza Hafizi: Ja ku ndryshon varianti ynë nga ai i PDIU-së

1 Korrik 2016, 10:51, Aktualitet CNA

Deputetja Mimoza Hafizi, ka reaguar sot në rrjetet sociale pas debateve të shumta për autorësinë e propozimit të zgjedhjes së Presidentit nga Populli. Deputetët Ben Blush, Mimoza Hafizi, të ndjekur edhe nga disa deputetë të tjerë, propozuan përpara një jave ndryshimet kushtetuese për të zgjedhur Presidentin e Republikës nga Populli. Menjëherë pas këtij propozimi, deputetja e PDIU-së, Mesila Doda reagoi ashpër duke thënë se kjo ide ishte kopjuar dhe se ishte ajo iniciatorja, rreth 6 muaj më parë.

Pas debateve të djeshme, deputetja Mimoza Hafizi ka reaguar në rrjete sociale duke theksuar se propozimi i PDIU-së ndryshon nga propozimi i tyre.

Sipas saj, propozimi i PDIU-së ia kalon popullit të drejtën e zgjedhjes së Presidentit vetëm nëse dështon zgjedhja e tij në tre seanca nga 3/5 e deputetëve.

?Zgjedhja e Presidentit të Republikës në komentet e PDIU ishte konceptuar t?i kalonte popullit vetëm nëse në tre seancat e para të zgjedhjes në Parlament, nuk arrihej mazhoranca 3/5?, shkruan Hafizi

Nga ana tjetër, amendamenti i depuetëtëve Blushi, Hafizi etj, thotë se Presidenti duhet të zgjidhet drejtëpërdrejtë nga populli.

?Kurse amendamenti ynë thotë: Presidenti i Republikës zgjidhet drejtëpërdrejt nga populli me votim të fshehtë për 5 vjet, me të drejtë rizgjedhjeje vetëm një herë. Kandidati për President duhet të mbështetet së paku nga një parti politike e përfaqësuar në Kuvendin e Shqipërisë ose nga 10.000 shtetas me të drejtë vote?, vijon ajo

Më tej, ajo shkruan se: Këto dy variante janë krejt të ndryshme, prandaj unë nuk vazhdova të kërkoj afrimin e amendamentit tonë me propozimet e PDIU. Ende sot nuk ekziston asnjë propozim në formë projekt-ligji me amendamente nga PDIU. Ftoj PDIU të merret me idetë e propozuara dhe jo me deputetët propozues. Ne nuk kemi cënuar as fyer kërkënd. Z. Blushi s?ka patur asnjë komunikim me Zj. Doda, gjithë komunikimi që përshkrova më sipër ka qenë vetëm me mua”, përfundon ajo