E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Nga Jorida Tabaku/ Gjoba mbi Bizneset!

1 Korrik 2016, 09:45, Aktualitet CNA

Një nga shqetësimet më të mëdha të FMN lidhet me administratën tatimore dhe mënyrën e funksionimit të saj. Një shqetësim më se korrekt duke pasur parasysh abuzimet që kjo administratë po kryen në emër të shtetit.

Bizneset kanë filluar të ankohen për gjoba të vendosura në mënyrë abuzive dhe në kundërshtim të plotë me ligin. Sipas tyre administrata tatimore ka gjobitur të gjitha ato biznese me xhiro deri në 2 mln lekë me vlerën e 10 mijë lekëve me argumentimin se këto biznese nuk kanë deklaruar punonjësit në Drejtorinë e Tatimeve. Megjithëse bizneset janë regjistruar fillimisht në QKB dhe në bazë të ligjit për regjistrime neni 59 pika 1, këto biznese nuk kanë nevojë për këtë regjistrim duke qenë se ?regjistrimi i subjekteve në QKR përbën gjithashtu regjistrimin e njëkohshëm të tyre pranë administratës tatimore, në skemën e sigurimeve shoqërore e shëndetësore dhe pranë Inspektoratit të Punës.?

Sjellja e administratës është një dëshmi e qartë e degradimit të shtetit në një aparat përmes të cilit qeveritarët dhe drejtorët e rilindjes pasurohen në kurriz të qytetarëve duke e përdorur ligjin në interes të Maliqit. Mjafton të kujtojmë se kjo qeveri shtatë muaj më parë u premtoi bizneseve me xhiro nën 2 mln lekë se do të paguanin 0 taksa, për t?u sjellura më pas si peshqesh taksa të rritura në formën e tarifave apo taksave bashkiake. Kjo është po e njëjta qeveri e cila vitin e shkuar iu vërsul bizneseve të vogla gjasme me sebepin e një aksioni anti informalitet por që pas tij fshihja mbushja e arkave të boshatisura nga qeveritarët.

E njëjta qeveri që jo më larg se disa javë më parë u kritikua nga FMN dhe institucione të tjera ndërkombëtare për politikat tërësisht të gabuara fiskale që kanë çuar vendin në një qorrsokak dhe që po e përballin atë me krizën e recesionit ekonomik. Që e ka shndërruar vendin, sipas The Economist, në një nga vendet me klimën më të vështirë të bërit biznes në rajon. Janë këto peshqeshet dhe dhuratat e një qeverie të papërgjeshme që e ka rritur barrën fiskale të bizneseve në 40% të ardhurave të një biznesi. Ndërsa biznesit i duhet që me pjesën e mbetur të mbulojë energjinë elektrike të rritur, qiranë dhe pagat e punonjësve.

Para që shkojnë në arkën e një qeverie që nuk ka kontribuar në asnjë shërbim të shtuar apo përmisim cilësor të mjedisit të bërit biznes, përkundrazi të ardhura që shpenzohen për gjëra të padobishme. Bizneset vazhdojnë të gjobiten në mënyrë absurde. Të cilët duket se i duhet t?i shërbejnë dëshirave të shfrenuara të një qeverie që ka ardhur për të mbrojtur të inkriminuarit dhe për të pasuruar pjesëtarët e saj, ndërsa në treg shet propagandën e qeverisë në shërbim të popullit.

Ka një mënyrë për t?i dhënë drejtim kësaj gjendje të pashpresë që po injekton kjo qeveri dhe kjo mazhorancë. Partia Demokratike përmes taksës së sheshtë, uljes së TVSH-së, ri indeksimit të çmimit të energjisë elektrike, investimit në ndërtimin e një administrate tatimore që nuk do të jetë një ekip xhandarësh mbi kokën e biznesit. Do t?i japë mundësi biznesit të marrë frymë dhe të dalë nga ky qorrsokak që një qeveri që mendon vetëm për sot e ka futur.

Përmes Pullës fiskale, që çdo biznes që ka paguar dhe ka kryer detyrimet tatimore, nuk do të shqetësohet për asnjë moment nga taksidarët të asnjë administrate shtetërore (pra tatime, dogana e kështu me radhë). Bizneset nën 2 mln lekë do të kenë zero taksim dhe tarifat tatimore nuk do të rriten në mënyrë të fshehtë për t?i rënduar mbi shpinën e bizneseve pasurimin e pafundmë të qeveritarëve.

Paketa jonë fiskale do të jetë e drejtuar në shërbim të biznesit, sidomos atij të vogël dhe SME-ve, Duke qenë se ne besojmë tek mundësia dhe aftësitë e sipërmarrësve, duke u dhënë atyre mundësi për të zhvilluar aktivitetin e tyre.