Foto me Obamën/ Basha: Rama ka kryer një krim federal

1 Korrik 2016, 12:26, Aktualitet CNA

Kryetari i Partisë Demokratike, Lulzim Basha, tha sot se kryeministri Edi Rama ka kryer një krim të rëndë federal në SHBA, në lidhje me foton të tij me Presidentin amerikan Barack Obama në SHBA, për të cilën disa media të huaja shkruajnë se kryeministri ka paguar 80 mijë dollarë për ta realizuar.

?Departamenti Amerikan i Drejtësisë dhe mediat prestigjioze ndërkombëtare, tregojnë se Edi Rama qëndron pas një krimi të rëndë federal kryer në SHBA. Mbi 80 mijë USD janë dhënë donacion kur fushata atje e përjashton futjen e parave nga një burim i huaj”, tha Basha

DASH bën të ditur se një shtetas shqiptar kishte marrë 80 mijë USD nga një burim i huaj dhe kishte shkuar atje me një shtetas të huaj, me Edi Ramën, që iu ndalua hyrja, por që u fut.

80 mijë USD ka paguar Edi Rama për një foto, 80 mijë USD për t?u hedhur hi syve të shqiptarëve.

Në rrugën e tij të marrjes së pushtetit, ai përdor çdo mjet, nuk kurseu askënd me gënjeshtrat dhe mashtrimet e tij e madje as SHBA-në.

Ky krim federal i porositur dhe i paguar nga Edi Rama tregon sesi e nisi rrugën drejt pushtetit, e veshi pushtetin me krim, e mbushi parlamentin me vrasës, trafikantë droge dhe prostitucio

I nxori nga çdo vrimë ku ishin fshehur dhe i bëri kryebashkikë. Nuk u mjaftua me një mendësi kriminale, por ai guxoi të shkelë ligjet e SHBA-së dhe të mashtrojë SHBA-në.

Ajo foto tregon shumë për mendësinë e Edi Ramës që me paratë e pista bleu gjithçka. Kjo foto është një ndër ato prova se në SHBA, drejtësia nuk kapet dhe as blihet nga Edi Rama. Drejtësia atje është drejtësia që nuk e do Edi Rama.

Si në rastin e skandalit të përgjimit.

Drejtësia që do Edi Rama është drejtësia që shantazhon për të mos lejuar lidhjet e Tahirit me krimin e kështu me radhë. Në fund të fundit, drejtësia që do Edi Rama është drejtësia që dëshiron çdo i kapur. Por e ka bërë llogarinë gabim, drejtësia nuk shantazhohet.

Dua t?i bëj thirrje Prokurorisë së Përgjithshme që paralel me hetimet që po kryen FBI-ja, të nisë menjëherë hetimet për këtë rast të paste: Ku i gjeti 80 mijë USD ai që kishte deklaruar vetëm 3 mijë USD pasuri? Çfarë mori në këmbim sponsorisuesi??- theksoi Basha në përfundim.