Bardhi i Fanes bind Duçkën që t’ i japë tendera pa dijeninë e Ilir Metës

30 Qershor 2016, 07:37, Aktualitet CNA

Ilir Meta u tërbua kur mësoi që kushëriri i tij Duçka, që e mbante për njeri të besuar, i kishte dhënë të paktën dy tendera me vlerë mbi dhjetë milionë euro secili Bardhit të Fanes pa i treguar gjë Metës. Meta thirri Duçkën, e kapi për fyti dhe i tha: Edhe ti më dole tradhtar si ai Muç Muçi, e unë që po mendoja të të bëja ministër. Nuk e di ti që për këto tendera duhet të vinte vetë Fania te unë, e të linte leshtë, jo t? i merrte Bardhi pa e marrë vesh unë? Duçka u bë i penduar dhe i tregoi të gjitha fill e për pe. Bardhi i Fanes e kishte thirrur për drekë dhe i kishte kërkuar dy tenderat.

-Unë dakord jam, i kishte thënë Duçka por më duhet t? i them atij të madhit.

-Kot që t? i thuash,- i tha Bardhi i Fanes,- kur ta marrë vesh ai do të jetë në burg.

Në 21 korrik miratohet reforma në drejtësi dhe brenda javës arrestohen Meta dhe Saliu. Ia ka thënë Fanes krahu i djathtë i Lusë në ambasadën amerikane. E kishim për drekë të hoteli jonë.

-Pse nuk më thirre edhe mua? – i tha Duçka.

-E ftojmë prapë, -i tha Bardhi i Fanes,- këtë herë do të vijë edhe ambasadori. I ka premtuar Fanes. Do të vish edhe ti. Ambasadori vdes për Fanen.

-Te më ftoni patjetër,- tha Duçka,- kjo e tenderave është punë e mbaruar, vetëm këtë radhë pjesën time nuk e dua si zakonisht, por bashkë me atë që do të merrte shefi i madh.

-Këtë do ta bisedoj me Fanen,- tha Bardhi, -po nuk do të ketë problem besoj, ai që bën punën meriton hakun e plotë.

-Është e sigurt që arrestohet Meta?- tha Duçka.

-Ka marrë fund, -tha Bardhi i Fanes,- nuk e ke vënë re që është distancuar nga Meta, Nasi që e ka mirë me amerikanët. Nasi si jurist e kupton lojën. Unë armik e kam por këto gjëra i nuhat mirë ai. Ti rregulloje me Edi Ramën, vazhdo karrierën. Do të ndërhyjë Fania. Rama betohet për kokën e Fanes, ti e shikon që në Fan Zone që ka bërë qeveria për kampionatin europian, ekskluzivitetin e ka shurra e Fanes, më fal birra, se ashtu i them unë.

-Puna është se mos e marrë vesh më parë Meta, – i tha Duçka.

-Edhe po e mori vesh, ti mos shko po të kërkoi.- i tha Bardhi Fanes.

-Puna është se ai dërgon njerëz të merr e të rreh me duart e tij, – i tha Duçka.

-Se mos do të vdesësh ti nga e rrahura, -i tha Bardhi i Fanes, – me paratë që do të marrësh bën një terapi në klinikat më të shtrenjta e të ikin pasojat e rrahjes e të mbetet një dorë e mirë me para. Ja më shiko mua që më rrahin dy herë në vit të paktën këtu të Blloku. Çfarë më ka gjetur mua. Unë kam lezetin e parave që nuk ua jap, ata kanë lezetin e dajakut që më japin. Kush del i fituar? Me para zhduken pasojat e dajakut, por me dajak nuk nxirren paratë, nga mua jo një herë./(Pjesa e trete) Rubrika humoristike Bardhi i Fanes. vijon…