web counter
LEXO PA REKLAMA!

SHKARKO APP

App Store
Google Play

Policia korr 400 mijë rrënjë kanabis në të gjithë Shqipërinë

30 Qershor 2016, 07:08, Aktualitet CNA

Vitit 2016  rezulton të jetë një vit rekord për nga korrja e bimëve narkotike të llojit kanabis. Fenomeni Lazarat u përhap në të gjithë Shqipërinë. Nga një vatër e izoluar, tashmë është përhapur në të gjithë vendin.

Policia, çdo ditë në një mënyrë tepër korrekte raporton me 10 mijë rrënjë të korrura në çdo anë të vendit, nga Tirana në Korçë, nga Gjirokastra në Lezhë, nga Ksamili në Mirditë, nga Devolli në Kukës.

Kudo në do cep të Shqipërisë nga Policia raportohet korrja e kanabis sativa, por policia fatkeqësisht po kthehet në një skuadër koperativiste për korrjen dhe asgjësimin e lëndës narkotike.

Edhe zona të paprekura më parë nga ky fenomen, si rasti i Korçës, tani po kthehen në mjaft problematik. Burimet zyrtare i saktësuan citynews se janë rreth 400 mijë rrënjë kanabis të korrura dhe të asgjësuara gjatë këtij muaji, me fillimin e operacionit për shkatërrimin dhe ndalimin e kultivimit të lëndëve narkotike.

Fenomeni i mbjelljes masive të kanabisit po kthehet në një shqetësim real për policinë, ndërkohë që jemi një vit përpara zgjedhjeve parlamentare. Me fluksin e këtij viti, vitin e ardhshëm, duke pasur parasysh edhe fushatën, situata pritet të jetë më dramatike. Pa llogaritur këtu edhe thirrjet e ndonjë ish deputeti socialist që kërkon legalizimin e kanabisit./citynews





Lajmet e fundit nga