web counter
LEXO PA REKLAMA!

SHKARKO APP

App Store
Google Play

Presidenti nga populli/ Eduard Selami: Ja pse firmosa me Blushin

30 Qershor 2016, 06:39, Aktualitet CNA

Deputetët e Partisë Socialiste, Ben Blushi dhe Mimoza Hafizi, të ndjekur edhe nga disa deputetë të tjerë të opozitës kanë propozuar nismën për zgjedhjen e Presidentit nga Populli. Një prej deputetëtve që firmosi nismën e Blushit dhe Hafizit ishte Eduard Selami i Partisë Demokratike.

Bë një intervistë për ?Panoramën? Selami shprehet se e ka mbështetur nismën e Ben Blushit dhe Mimoza Hafizit për shkak se ka qenë që herët i mendimit se kreu i shtetit duhet të dalë si vullnet i popullit. Ai sqaron se propozimi për zgjedhjen e Presidentit të Republikës me votë të drejtpërdrejtë nga populli ka qenë një propozim i hershëm i tij, i cili gjendet i pasqyruar edhe në deklaratat e tij politike.

Për ish-kreun e PD-së, kalimi i kompetencave për zgjedhjen e Presidentit sovranit, do të ishte një e mirë që ky Parlament do t?i bënte demokracisë.

?Unë gjithmonë kam qenë për zgjedhjen e Presidentit nga populli. Nëse u referoheni deklarimeve të mia publike lidhur me këtë çështje, do të shikoni se unë kam pasur gjithmonë të njëjtin qëndrim. Në vlerësimin tim, sa më shumë pjesëmarrje të ketë nga sovrani, aq më mirë i bën demokracisë?, tha Selami

Janë 10 deputetë që kanë propozuar draftin për zgjedhjen e Presidentit nga populli, ndërsa pritet që ai të mbështetet dhe nga deputetë të tjerë të Kuvendit të Shqipërisë. Propozuesit kërkojnë që krahas paketës së ndryshimeve kushtetuese për Reformën në Drejtësi, të përfshihet dhe një propozim i bërë që në 2007-n, për zgjedhjen e Presidentit të Republikës direkt nga populli.





Lajmet e fundit nga