web counter
LEXO PA REKLAMA!

SHKARKO APP

App Store
Google Play

E fundit!

x

Video/ Bllokohen 72 kg kanabis, arrestohen 7 persona

29 Qershor 2016, 10:51, Aktualitet CNA

Policia e Vlorës ka përfunduar me sukses 3 operacione të ndryshme antidrogë si rezultat i të cilëve janë bllokuar 72 kg e 500 gram lëndë narkotike kanabis, si dhe janë arrestuar 7 shtetas.

Më poshtë 3 operacionet e policisë së Vlorës.

1-Policia finalizon operacionin e koduar “VJOSA”! Kapet në flagrancë poseduesi i lëndës narkotike, shtetasi i quajtur: · Fatmir Hameti, 47 vjeç, banues në Vlorë (i dënuar më parë për të njëjtën v.penale). Shërbimet e Policisë Vlorë, kanë bërë të mundur realizimin e këtij operacioni, duke kapur dhe arrestuar në flagrancë shtetasin e lartpërmendur, me një sasi lënde narkotike prej 25 KG (kilogram) e 500 GR (gram) të dyshuar Cannabis Sattiva, të cilën e kishte fshehur në garazhin e një banese në lagjen “Isa Boletini” Vlorë, të sistemuar në dy thasë plastikë të zinjë dhe në një bidon plastik, gati për ta shitur.

–2– Policia finalizon operacionin e koduar “LLAKATUNDI”! Arrestohen në flagrancë 3 shtetas: · Ilir Hoxhaj, 26 vjeç, banues në fshatin Llakatund, Vlorë. · Shpendi Hoxhaj, 27 vjeç, banues në fshatin Llakatund, Vlorë. · Endri Hoxhaj, 23 vjeç, banues në fshatin Llakatund, Vlorë. Shërbimet e Policisë së Vlorës, kanë bërë të mundur realizimin e këtij operacioni nëpërmjet të cilit kanë arrestuar në flagrancë 3 shtetasit e lartpërmendur në rrugën nacionale Babicë – Vlorë (pranë një karburanti), pasi gjatë kontrollit të ushtruar në automjetin me të cilin udhëtonin këta shtetas tip “Furgon Hundai” me targë AA687HY, është gjetur dhe sekuestruar në cilësinë e provës materiale një sasi me lëndë narkotike prej 29 KG (kilogram) e 500 GR (gram) të dyshuar Cannabis Sattiva, e cila ishte e sistemuar në 5 thasë plastikë të zinjë.

–3– Policia finalizon operacionin e koduar “MITSUBISHI”! Arrestohen në flagrancë 3 shtetas: · Ervis Xhaferaj, 28 vjeç, banues në fshatin Kotë, Vlorë (i dënuar më parë për të njëjtën v.penale). · Hekuran Gerbi, 24 vjeç, banues në fshatin Dukat, Tepelenë. · Klodjan Nazëraj, 30 vjeç, banues në fshatin Kotë, Vlorë. Shërbimet e Policisë Vlorë, mbi bazën e këtij operacioni kanë bërë të mundur kapjen dhe arrestimin në flagrancë të shtetasve të lartpërmendur në rrugën nacionale në afërsi të fshatit Beshisht – Vlorë, pasi gjatë kontrollit të ushtruar në automjetin tip “Mitsubishi” me targë AA168KL, është gjetur një sasi me lëndë narkotike prej 17 KG (kilogram) e 500 GR (gram) të dyshuar Cannabis Sattiva (3 thasë plastikë të zinjë), e cila u sekuestrua në cilësinë e provës materiale. Materialet i kaluan Prokurorisë së Rrethit Gjyqësor Vlorë në ngarkim të këtyre shtetasve për veprën penale “Prodhimi dhe shitja e lëndëve narkotike, e kryer në bashkëpunim”.





Lajmet e fundit nga