web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Kryeministri Rama incident me futbollistin e kombëtares Odise Roshi

26 Qershor 2016, 09:33, Aktualitet CNA

Menjëherë pas fitores së kombëtares Shqiptare me Rumaninë në ndeshjen e fundit të fazës së grupeve në kampionatin Europian, kryeministri Edi Rama i ka premtuar futbollistëve të kombëtares pasaporta diplomatike.

Pas përfundimit të aventurës në Euro 2016, stafi dhe futbollistët e kombëtares u rikthyen në atdhe ku u pritën zyrtarisht nga drjetues të lartë të shtetit. Një prej tyre ishte kryeministri, Edi Rama, i cili organizoi një darkë në nderim të tyre. Gjatë darkës, kryeministri Rama shpërndau pasaportat diplomatike që u kishte premtuar futbollistëve. Duke i thërritur një nga një me emra, ai u dorëzoi futbollistëve pasaportat. Ashtu sic është shfaqur edhe në organizime të tjera, kryeministri thërriste emrat duke hedhur edhe ndonjë batutë. Mbrojtësi Ansi Agolli ironizoi me kryeministrin duke i kërkuar atij të mos shkojë më në stadium për të ndjekur kombëtaren pasi sjell ters.

Incidenti me Roshin

Në momentin që ishte radha e Odise Roshit për të marrë pasaportën diplomatike, kryeministri Edi Rama, lëshon një batutë aspak të këndshme për futbollistin.

Burimet thanë për citynews se kryeministri Rama i është drejtuar Roshit me fjalët: Le të vijë Odise Roshi, futbollist i dalë nga akademia e Flamurtarit dhe një mbështetës i Partisë Socialiste.

Të njëjtat burime theksuan se kjo fjali e Ramës duket se nuk i ka pëlqyer aspak mesfushorit të kombëtares, i cili i është drejtuar kryeministrit me një përgjigje që e ka lënë me ?gisht në gojë?

?Faleminderit kryeministër, por unë nuk jam socialist. Unë jam me Partinë Demokratike?, iu drejtua Roshi ? Ramës

Reagimi i futbollistit ka ardhur menjëherë pas një dite të ngarkuar, ku në qendër të vëmendjes nuk ishte kombëtarja, por Rama, Veliaj dhe ministrat e tij, të cilët ?vodhën? festën e kombëtares duke e kthyer në show politik./citynews





Lajmet e fundit nga