web counter
LEXO PA REKLAMA!

SHKARKO APP

App Store
Google Play

E fundit!

x

Pse hesht policia për torturën ndaj 31-vjeçarit në Korçë

26 Qershor 2016, 07:37, Aktualitet CNA

Dje në Korçë, një shtetas 31-vjeçar u torturua për orë të tëra nga drejtuesit e këtij komisariati.

Dhunë fizike dhe rrahje, thua se po torturohej dikush për krime kundër njerëzimit. Në njoftimin e policisë për mediat thuhej se një qytetar ishte arrestuar pasi kishte kundërshtuar me dhunë punonjësit e policisë në ambientet e komisariatit. Në fakt, kishte ndodhur e kundërta. Shefi i Krimit të Organizuar në Korçë, Alfred Numani, së bashku me shefin e Antidrogës, Buis Hysi kishin rrahur në mënyrë barbare të shoqëruarin.

Në fillim u tha se përgjegjës ishte shefi i Antidrogës, Buis Hysi dhe se ai u pezullua, por kjo ishte thjeshtë një lojë. Hysi ishte rrëzuar gjatë aksionit të policisë për kapjen e 31-vjeçarit, Juxhin Kulla dhe dëmtimet që kishte marrë pretendon se ia kishte shkaktuar ky i fundit.

Por, kjo ka qenë një lëvizje kriminale e vetë policisë për të mbuluar torturat e tyre. Buis Hysi mori përsipër ngjarjen dhe krijoi një skenar për të mbuluar mikun e tij, Alfred Numani, që së bashku me Hysin ishin torturuesit e 31-vjeçarit.

Sot, Policia ende nuk ka dhënë një qëndrim të sajin se pse u torturua 31-vjeçari. Fajtor ose jo, atë e vendos gjykata dhe askush nuk ka të drejtë ta dhunojë.

Policia paguhet me taksat e qytetarëve që t?ju shërbejë dhe mbrojë jetën dhe jo ti torturojnë policë dhe oficerë të papërgjegjshëm, për më tepër të dyshuar si të inkriminuar.

Çdo ditë raportohen raste të dhunës në familje, por policia nuk flet për torturën që oficerët e saj ushtruan ndaj 31-vjeçarit në Korçë. Ata jo vetëm që e torturuan, por kërkojnë të fshehin krimin. Dy herë vepra penale që dënohen nga ligji./citynews





Lajmet e fundit nga