E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Vëllai i Irfanit fiton tenderin 1.2 miliardë lekë pa rival në OST

21 Qershor 2016, 10:07, Aktualitet CNA

Tenderat dhe procedurat e dyshimta të fituara me vlera maksimale vazhdojnë të jenë veprime të përseritura në institucionet publike shqiptare.

Bashkia e Korçës, OSHEE, OST por edhe institucione të tjera shjpallin fitues me vlera maksimale, ku në disa raste ofertuesi është i vetëm. Në emër të ligjit, në zbatim të ligjit, por jo pa dëm ndaj taksapaguesve shqiptarë. Tendera të cilat nuk kanë asnjë ulje, ose vlera qesharake në diferencë nga shuma që tenderohet.

Operatori i Sistemit të Transmetimit sh.a, ka shpallur në buletinin e tij një fitues, ku në garë ka vetëm një ofertues dhe vlera e fituar është 98% e asaj të tenderuar.

OST ka njoftuar bashkimin e operatoreve 2RC dhe RAS-OKEJ, si fitues të procedurës së hapur për blerje paisje kembimi dhe materiale për mirëmbajtjen e nënstacioneve. Shuma e tenderuar është 1.20 miliardë lekë, (një miliard e dyqinmilion lekë) dhe është fituar nga këta operatorë me vlerën 1.17 miliardë lekë (një miliard e njëqindeshtatëmbëshjetë milionë lekë). Një tender ku flitet për miliarda lekë diferenca e shumës së shpallur me fituesin është vetëm 25 milionë lekë të vjetra. Në totalin e vlerës kjo shumë është vetëm një pikë uji në oqean.

Nga publikimi i Agjensisë së Prokurimit Publik rezulton se në tenderin e OST, ka qenë vetëm një ofertues dhe ai është shpalluar fitues me 98% të vlerës së tenderit.

Nga një vëzhgim i citynews rezulton se firma 2RC është në pronësi të Bardhyl Hysenbelliu, një nga vëllezërit e botuesit Irfan Hysenbelli.

Bardhyli dhe firma e tij nuk janë të panjohur për mediat. Vellai i Irfanit ka qenë në një nga kompanitë që ka mbledhur borxhet e CEZ, ku janë afërsisht 200 milionë lekë të mbledhura bardhyl hysenbelliu prej tij. Çështja e mbledhjes së borxheve të CEZ është nën/hetim nga parlamenti i cili tashmë ka ngritur dy komisione hetimore për aferën CEZ.

Bardhyl Hysenbelliu të ardhurat e biznesit të tij nga institucionet publike, nuk i shikon si përfitime për shkak të pushtetit mediatik të vëllait të tij. Akuzat për një lidhje të mundshme dhe përfitim për shkak të vëllait të tij, Bardhyl Hysenbelliu i quan fyerje dhe shpifje.

Citynews është duke investiguar disa raste të tjera në lidhje me aktivitetin e Bardhyl Hysenbelliut si
biznesmen dhe përfitimet nga fondet publike.

Rasti aktual është një tjetër fakt që tregon se njerëz afër mediave, të afërm të tyre, apo persona që janë të lidhur me politikën, përfitojnë tendera me vlera maksimale si ofertues të vetëm.

Citynews publikoi se fundi edhe dy raste kur vëllai i Këshilltarit të PS-së në Bashkinë e Tiranës, Luan Bregasi, fitonte tendera me vlerë maksimale pranë OSHEE. Vëllai i Irfanit fiton tendera me vlerë maksimale në OST, në fakt OST dhe OSHEE janë dy intitucione të ndara nga njëra tjetra, por Irfani dhe Luani janë miq të ngushtë, lidhjet e vëllezërve të tyre ngelen ende për tu sqaruar.