E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

PS-PD i bllokojnë Gjiknurit marrëveshjen energjetike me Gjermaninë

21 Qershor 2016, 06:42, Aktualitet CNA

Është shoqëruar me debate të ashpra mbledhje e djeshme e Komisionit të Ekonomisë, ku deputetët e opozitës, por edhe kryetari i komisionit, Erjon Braçe, kanë hedhur dyshime të forta mbi marrëveshjen mes Këshillit të Ministrave dhe Gjermanisë për financimin e linjës unazore 110 KW në Shqipërinë Jugore.

Deputetët e opozitës akuzuan qeverinë se po mashtron duke e paraqitur marrëveshjen në formën e një granti, duke theksuar se në të vërtetë bëhet fjalë për një kredi. Sherefedin Shehu tha se nuk dihet se cili do të jetë destinacion i 2 milionë eurove, duke sjellë në vëmendje edhe faktin që linjën në fjalë kryeministri Rama e ka inauguruar disa herë, shkruan “Sot”

?Në këtë marrëveshje ka shumë gjëra të pasaktësuara dhe mendoj se këto janë lënë qëllimisht nga qeveria. Nuk ka asnjë sqarim nëse ky grant mund të kthehet në kredi për qeverinë shqiptare, madje edhe destinacion i tij mbetet i pasaktë. Ju kujtoj se kryeministri Rama e ka inauguruar disa herë linjën unazore të Shqipërisë së Jugut. Kjo ka qenë një marrëveshje granti që në kohën kur unë kam qenë ministër, ndërsa ju na e sillni këtu duke e manipuluar, duke fshehur pjesët më të rëndësishme. Realisht nuk kemi të bëjmë me një grant, por me një kredi. Për më tepër nuk dihet se cili do të jetë destinacion i këtij fond?, ka theksuar deputeti i Partisë Demokratike, Sherefedin Shehu gjatë fjalës në Komisionin e Ekonomisë.

Shqetësimit të Shehut iu bashkua edhe Erjon Braçe, i cili kërkoi sqarime nga zëvendësministri Ilir Bejtja. ?Zotëri, mund të na shpjegoni nëse ka ndonjë risk që kjo marrëveshje granti të kthehet në kredi për qeverinë shqiptare. Sipas dokumentacionit që keni sjellë, duket sikur kemi të bëjmë me dy marrëveshje, ndaj ju lutemi nesër (sot) të sillni një relacion të detajuar pranë sekretarisë së komisionit, pasi në të kundërt marrëveshja nuk do të kalohet për votim në seancën plenare të ditës së enjte?, deklaroi Erjon Braçe gjatë fjalës së tij.