Vëllai i Luan Bregasit “godet” sërish/ OSHEE i jep tenderin 1 miliard lekë si ofertues i vetëm

20 Qershor 2016, 18:49, Aktualitet CNA

Tajar Bregasi, vëllai i Luan Bregasit ka ?goditur? sërish duke marrë tender mbi 1 miliard leke, si ofertues i vetëm nga po i njëjti institucion, OSHEE.

Këtë herë bëhet fjalë për një tender të zhvilluar një javë më parë, datë 13 Qershor 2016 nga Operatori i Shpërndarjes së Energjisë Elektrike. Siç duket në dokumentin e më poshtëm, objekti i prokurimit është ?Ndërtim i fiderit 335 Selitë dhe kolektori NST/Selitë?,me fond limit 107,753,780 lekë pa TVSH dhe me afat 4 ( kater) muaj nga data e dorëzimit të sheshit.

Tenderi është fituar nga subjekti i vetëm ofertues, ?En.Bi.Power? sh.p.k, i cili ka paraqitur një ofertë me vlerë 105,626,576.33 lekë pa TVSH. Siç vihet re, tenderi në fjalë është fituar me 98% të vlerës së fondit limit të përcaktuar nga OSHEE.

Por ky nuk është tenderi i vetëm i fituar nga ?En.Bi.Power? me 98% të vlerës si dhe në cilësinë e subjektit të vetëm ofertues. Më herët citynews ka publikuar një tjetër rast të një tenderi të dyshimtë, i cili është fituar në prokurimin e OSHEE-së nga ?En.Bi.Power? me 98% të vlerës, gjithashtu si ofertues i vetëm në garë.

Pronari i subjektit ?En.Bi.Power?, Tajar Bregasi është vëllai i këshilltarit socialist bashkiak në Tiranë Luan Bregasi. Ky i fundut është një nga socialistët më të ?devotshëm?. Kjo pasi ai shihet pothuajse në çdo aktivitet të çdo ministrie, ose bën rolin e shoqëruesit të shpeshtë në vizitat e Ministrave jashtë vendit. Bregasi njihet gjithashtu si mik i ngushtë i kryeministrit Edi Rama.

Tajar Bregasi ka ushtruar gjithashtu detyrën e Zv.Drejtorit të Përgjithshëm të KESH-it. Burimet thanë për citynews se Agim Bregasi, një nga anëtarët e Këshillit Mbikqyrës të OSHEE-së, është gjithashtu i afërm i Tajar dhe Luan Bregasit.

Ashtu sikurse në rastin e mëparshëm të publikuar nga citynews, edhe në këtë rast kemi të bëjmë me përfitim të fondeve publike nga një subjekt, pronari i të cilës është i lidhur me pushtetin./citynews

Denoncimi i parë nga citynews

Superskandali me tenderin e OSHEE-së/ Vëllai i Luan Bregasit merr 3.4 miliardë lekë

Këshilli Mbikqyrës i OSHEE