E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Dita Botërore e Refugjatëve/ Aktivitet në Qendrën pritëse

20 Qershor 2016, 14:13, Aktualitet CNA

Ministria e Punëve të Brendshme në bashkëpunim me zyrën e UNHCR në Shqipëri nisën një fushatë ndërgjegjësuese në kuadër të Ditës Botërore të Refugjatëve. Fushata synon të ndihmojë në integrimin e refugjatëve dhe t?u gjendet pranë në nevojat e tyre. Në aktivitetin e organizuar në Qendrën Kombëtare Pritëse për Azilkërkues, zv/ministrja e Brendshme Elona Gjebrea tha se kjo ditë merr një kontekst tjetër në këtë vit dramatik, sa i përket situatës së refugjatëve.

Elona Gjebrea ? Zv/ministre e Punëve të Brendshme: Nëse do shihnim situatën e azilkërkuesve në vite, në 2013 ka pasur vetëm 431 mijë azilkërkues në mbarë Europën. Ky numër është rritur me 627 mijë në 2014-ën. Dhe ka arritur në 1,3 milion në 2015. Pikërisht ky numër aplikimesh i rritur me 50% tregon dhe njëherë si jemi ne në këtë situatë e sa të bashkuar do jenë të gjithë vendet ? pa përdorur vende të tjera si tampone për të mbyllur një plagë pa e shëruar atë. Ndaj, më shumë se kurrë, të gjitha vendet e Europës duhet të bashkëpunojnë që të ndihmojnë të gjthë në këtë situatë të paprecedentë për sa i përket situatës së refugjatëve. Sigurisht jam e bindur që qeveritë e ndryshme do punojnë më shumë për të zgjidhur plagët në vendet e origjinës. Pasi ajo do ishte mendoj zgjidhja, shuarja e konflikteve dhe integrimi në vendet e tyre. Sikurse thashë, Shqipëria është një vend i vogël me një histori e cila ka kaluar vetë përmes vuajtjesh dhe sakrificash ? të cilat nga ana tjetër kanë skalitur vlerat më të mira të solidaritetit, të vëllazërisë, të humanizmit. Dhe historikisht ne kemi kontribuar për personat që kanë qenë në nevojë, ashtu sikurse shumë vende të tjera na kanë mirëpritur ne.

Maria Helene ? Përfaqësuese e UNHCR në Shqipëri: Në fakt është një vit i jashtëzakonshëm për të gjithë refugjatët në të gjithë botën. 65 milion njerëz janë të ekspozuar për shkak të luftrave që po ndodhin. Ideja që është krijuar dhe vështirësitë që po kalohen duke menduar që refugjatët janë edhe terrorist, nuk është e vërtetë. Dhe duhet të kemi parasysh se 87% e tyre nuk janë akomoduar dhe nuk kanë shkuar në vendet që janë në Europë, por ndodhen në vendet që janë në zhvillim. Shqipëria deri tani mund të them që ka qenë me fat. Deri tani nuk kemi pasur numrin e madh të refugjatëve që kemi parë në rajon. Jam shumë e prekur nga ajo që kam parë nga qeveria shqiptare, që ka bërë të pamundurën që këto raste të akomodohen dhe të trajtohen në mënyrën më të mirë të mundshme për ta bërë jetën e tyre sa më komode.

Shqipëria ka pritur azilkërkues nga të gjitha kombësitë dhe është angazhuar në ngritjen e kapaciteteve për t?i ardhur në ndihmë kësaj kategorie personash, duke i pajisur për herë edhe me karta identiteti e dokumente tranziti.