A është ky personazh negociatori i “pazarit” Basha-Meta?

20 Qershor 2016, 15:17, Aktualitet CNA

Kohët e fundit ujërat në politikë po rrjedhin me shpejtësi. Çdo ditë detaje të reja për takime, negociata, levizje dhe koalicione të mundshme. Zgjedhjet janë 1 vit larg, por edhe shumë pranë. Ilir Meta ka qenë kategorik kundër zgjedhjeve të parakohëshme, por Rama si përjashton ato në rast se dështon reforma në drejtësi.

Kreu demokrat Lulzim Basha ka filluar levizjet e tij politike, jo thjesht me një takim me Ilir Metën, por duke shkuar më tej, në negociata politike, të cilat përfliten jo vetëm në qarqet mediatike.

Lulzim Basha po kërkon me çdo kusht që Ilir Meta të largohet në zgjedhjet e ardhshme nga Rama, dhe të jetë në një koalicion më vete, mundësisht me një marrëveshje për një koalicion pas zgjedhor.

Por këto lëvizje kanë edhe ?pazarin? dhe negociatat e tyre. Kohët e fundit, një personazh mjaft pervers i medias duket më pranë se kurrë me Ilir Metën. Ai takon dhe drekon me kreun e Kuvendit, më pas të nesërmen takon Petrit Vasilin, negociata dhe bisedime që këto ditë janë më të shpeshta se kurrë.

Fahri Balliu i akuzuar si ish-bashkëpunëtor i sigurimit të shtetit, ish gazetar i Zërit të Popullit, dëbuar si sekretar ambasade në Maqedoni, pasi u akuzua nga ish-kreu i SHISH Bashkim Gazidede për shitje pasaportash, një personazh skandalesh dhe gjobash politike, duket të jetë i përzgjedhuri i palëve. Fahriu është mik i vjetër i Ilir Metës dhe koalicioni i jetës së tij është Basha-Meta, ku të vjedhë dhe vejë gjoba sa të mundet.

I njohur si ?Këndezi?, Balliu duket të jetë i preferuari i palëve në këto ?pazare? politike, për faktin e vetëm se Metën e ?dashuron? pafundësisht, ndërsa Bashën si ?dashuri? të re e ka me oshilacione pasi shpesh nuk le fjalë pa thënë për të. E quan të paaftë dhe delikuent, ky më shumë se sulm duket të jetë presion ish-sigurimsi për të futur djalin ose vajzën në listë si kandidatë për deputetë.

Fahriu shihet shpesh nën praninë e Metës dhe drejtuesve të tjerë të LSI-së, ku flet në emër të Bashës dhe garanton se gjithçka tashmë është mbyllur, kanë ngelur vetëm detajet e fundit nga ?pazari? Basha-Meta. Dëshirë e Fahriut apo mashtrimi i rradhës, koha do vërtetojë gjithçka, ose Basha me qëndrimin apo heshtjen e tij./citynews