web counter
LEXO PA REKLAMA!

SHKARKO APP

App Store
Google Play

E fundit!

x

Rama mobilizon deputetët për miratimin e reformës në drejtësi/ U ndalon udhëtimet jashtë vendit

21 Qershor 2016, 06:25, Aktualitet CNA

Kryeministri Edi Rama ka nisur të mobilizojë deputetët për votimin sa më shpejt të reformës në drejtësi. Pas dërgimit të draftit me ndryshimet kushtetuese, shefi i qeverisë duket se ka plan ta fusë sa më shpejt draftin në seancë plenare, kjo dhe në mënyrë të papritur. Ditët e fundit ai ka intensifikuar negociatat me deputetët e mazhorancës, për të siguruar votën e tyre ndaj reformës në drejtësi. Dje, në mbledhjen e grupit parlamentar socialist, kryeministri Edi Rama ka porositur deputetët që gjatë kësaj periudhe, deri në mbylljen e këtij sesioni parlamentar, të anulojnë të gjitha aktivitetet dhe takimet jashtë vendit, dhe të qëndrojnë në gatishmëri për miratimin e reformës në drejtësi, shkruan “Sot” Kreu i qeverisë u ka kërkuar gjithashtu deputetëve që telefonat t?i kenë të hapur, të jenë disponueshëm, pasi ka shanse që drafti për reformën në drejtësi të kalojë në mënyrë të beftë në Kuvend për miratim. Gjithashtu, Rama i porositi ligjvënësit e majtë që në seancat e fundit parlamentare të këtij sesioni të mos mungojnë dhe të vijojnë betejën politike në Kuvend me opozitën.

?Nuk duhet të lëvizni deri në mbyllje të këtij sesioni parlamentar! Në seancat parlamentare nuk duhet të mungoni, të jemi të gjithë të gatshëm!?, mësohet të jetë shprehur kryeministri Edi Rama, dje në mbledhjen e grupit parlamentar socialist. Kryeministri Edi Rama, dje në mbledhje grupi, kishte shkuar posaçërisht për të urdhëruar dhe mobilizuar deputetët për miratimin e reformës më shumë të debatuar mes mazhorancës dhe opozitës. Opozita duket se nuk po lëshon ?pe? për reformën në drejtësi, ndonëse kryeministri Rama ua la edhe formulën me 2/3 për zgjedhjen e gjyqtarëve të Gjykatës së Lartë dhe asaj Kushtetuese. As takimi Rama-Basha apo Basha-Meta nuk prodhoi konsensus mes mazhorancës dhe opozitës. Lulzim Basha doli me një kusht të ri pas të gjitha kushteve që bllokuan reformën në drejtësi, kushti për ?vendet e rezervuara?. Por këtë kusht mazhoranca nuk e pranon pasi e akuzon opozitën se kërkon të politizojë drejtësinë. Kështu, Rama po detyrohet që të fusë në axhendën e Kuvendit draftin e reformës në drejtësi. Por, a ka i votat e mjaftueshme Rama për të votuar draftin në fjalë? Kjo do të shihet kur drafti të kalojë për miratim. Dyshime dhe pikëpyetje janë ngritur se Rama do ta fusë draftin për miratim në një kohë kur nuk i ka votat e mjaftueshme, vetëm për ta rrëzuar atë, pasi as PD e as PS nuk e duan reformën në drejtësi.





Lajmet e fundit nga