web counter
LEXO PA REKLAMA!

SHKARKO APP

App Store
Google Play

E fundit!

x

Fotot/ Pemët e prera në Pogradec, dërgohen në pallatin e Kryebashkiakut Kapri

16 Qershor 2016, 18:56, Aktualitet CNA

Citynews denoncoi sot prerjen e pemëve dhjetra vjeçare të parkut të qytetit nga Bashkia e Pogradecit.

Sipas burimeve të citynews, një pjesë e pemëve të prera janë dërguar në kantjerin e pallatit që po ndërton Kryebashkiaku i Pogradecit Eduard Kapri, tek lulishtja e qytetit pranë Liqenit.  Për prerjen e pemëve mësohet të ketë patur edhe një reagim nga policia e Pogradecit, pasi ka shoqëruar dy herë në komisariat punonjësit e Bashkisë sepse këta të fundit nuk kishin marrë leje për prerjen e pemëve.

Por siç duket edhe në fotot e më poshtme, prerja e pemëve është një fakt, për të cilin edhe qyteterët e Pogradecit kanë protestuar, por zëri i tyre nuk është dëgjuar.

Një pjesë e pemëve dhjetra vjeçare tashmë ndodhen në ambjentet e një prone ku po ndërton Kryebashkiaku i Pogradecit. Burimet shtuan për citynews se ndërtimi në fjalë po kryhet nga firma Gedi shpk, e cila përdoret nga Kryebashkiaku Eduard Kapri. Pemët e prera duket se do të shkojnë për dru zjarri.

Prerja e këtyre pemëve është një krim mjedisor për Pogradecin. Ky i fundit njihet për pemët karakteristike dhe për hijen që ato krijojnë në vijën e bregut të liqenit, ku shumë pushues zgjedhin këtë zonë edhe për shkak të freskisë dhe bukurisë që të ofron bota bimore. Tani pemet u prenë, hija iku dhe drute e nxjerrë po përvetësohen nga firmat e lidhura me kryebashkiakun/citynews

Lajmi i publikuar sot nga citynews

Video+Foto/ Bashkia masakron parkun në Pogradec, priten pemët dhjetra vjeçare

 





Lajmet e fundit nga