web counter
LEXO PA REKLAMA!

SHKARKO APP

App Store
Google Play

E fundit!

x

Foto/ Grabitën vilën e presidentit të Juventusit, arrestohen 3 shqiptarë

16 Qershor 2016, 17:46, Aktualitet CNA

Tre shqiptarë janë arrestuar nga karabinierët e Torinos pasi akuzohen se vodhën vilën e presidentit të Juventusit, Andrea Agnelli. Mediat italiane raportojnë se për ngjarjen e ndodhur në marsin e këtij viti, në prangat e policisë kanë rënë shtetasit emi Makolli 48 vjeç, Sedat Kurda 50 vjeç dhe Fljorim Rexhepi 41 vjeç. Tre grabitësit akuzohen edhe për 9 vjedhje të tjera banesash.

Banda e shqiptarëve nga Kosova natën e Pashkëve, kishin zbrazur vilën ku presidenti i Juventusit jeton bashkë me të ëmën, Allegra Agnellin, vejushën e avokat Agnellit, presidentit historik të klubit torinez.

Ata kishin vjedhur sende të çmuara me një vlerë totale që i kalonte 10 milionë euro.

Të tre persona me precedentë të shumë penalë, kosovarët ishin kthyer në makthin e pasanikëve në Veriun e Italisë. Ata kishin rënë në sy të policisë prej orëve të shtrenjta, që mbanin në duar.

Mediat italiane shkruajnë se në verë banda kishte planifikuar të grabiste disa vila në Zvicër dhe Spanjë.

Prokurorët italianë po hetojnë për bashkëpunëtorë të mundshëm që kanë ndihmuar kosovarët të kryejnë serinë e gjatë të vjedhjeve shumëmilionëshe.





Lajmet e fundit nga