web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Gjykatës së Lartë/ Ja pse u lirua Androkli Kokthi

12 Qershor 2016, 16:28, Aktualitet CNA

Androkli Kokthi, Drejtori i Tatimeve të Tiranës u arrestua në 18 shkurtin e këtij viti, ndërsa më pas Gjykata e Apelit i caktoi masën e arrestit shtëpiak. Kokthi dyshohej se kishte konsumuar veprën penale të shpërdorimit të detyrës me qëllim përfitimi. Mbi Kokthin rëndonte akuza se iu kthente mallrat e sekuestruara bizneseve në këmbim të parave.

Në 4 maj 2016, Androkli Kokthi u lirua nga masa e sigurisë e arrestit shtëpiak.

Por me çfarë arsyetimi Gjykata e Lartë la të lirë Androkli Kokthin?

Në vendimin e togave të zeza, të zbardhur nga citynews, thuhet se sipas togave të zeza nuk janë arritur të merren të dhëna në lidhje me kryerjen e veprës penale nga personi nën hetim.

?Në kushtet kur deri në këtë fazë të hetimeve nuk janë arritur të merren të dhëna në lidhje me kryerjen e veprës penale nga personi nën hetim, ku fakti nuk mund të përbëjë vepër penale dhe shkeljet e konstatuara janë të një karakteri të tillë që mund të klasifikohen si administrative, asnjë masë sigurimi personal nuk mund të merret kundër tij dhe për këtë shkak vendimi i gjykatës së apelit dhe ai i rrethit gjyqësor Tiranë duhet të ndryshohen në lidhje me caktimin e një mase sigurimi ndaj personin nën hetim Androkli Kokthi.? thuhet në vendimin  e Gjykatës së Lartë./citynews





Lajmet e fundit nga