web counter
LEXO PA REKLAMA!

SHKARKO APP

App Store
Google Play

E fundit!

x

Takimi me Bashën/ Meta: Jam i hapur për dialog me të gjitha palët

12 Qershor 2016, 12:17, Aktualitet CNA

Menjëherë pas përfundimit të takimit midis Ilir Metës dhe Lulzim Bashës, kreu i Kuvendit dha një konferencë për mediat, ku tregoi detajet e takimit. Meta tha se është i hapur për dialog me të gjitha palët, për të arrritur një konsensus dhe për të miratuar reformën.

Ai u shprehe se, në cilësinë e kreut të Kuvendit, i ka garantuar shefit të opozitës një proces të drejtë dhe transparent për reformën në drejtësi.

“Në cilësinë e kryetarit të kuvendit zhvillova një takim me kreun e Partisë Demokratike, Lulzim Basha. I garantova zotit Basha përkushtimin tim maksimal si kryetar për një proces të drejtë dhe transparent, për miratimin e paketës së Reformës në Drejtësi si një mundësi për qytetarët dhe vendin. I shpreha zotit Basha falenderime për angazhimin e opozitës dhe mbështetjen e saj për reformën në drejtësi.”, u shpreh ai

Më tej, Meta tha se i ka kërkuar Bashës miratimin sa më parë të Reformës në Drejtës, ndërsa theksoi edhe njëherë se palët ndahen për mënyrën e zgjedhjes së institucioneve të reja.

?Kam kërkuar nga zoti Basha të miratojmë paketën sa më shpejtë.  Ai më shprehu angazhimin për miratimin e reformës në Drejtësi. Më njohu me propozimin për zgjedhjen e institucioneve të reja, e cila sipas opozitës duhet të bëhet në përputhje me rekomandimet e Venecias.”, tha Meta





Lajmet e fundit nga