E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

Skandali/ Ministria e Arsimit akrediton të parët UET dhe universitetin ku punon shefja e kabinetit

11 Qershor 2016, 06:40, Aktualitet CNA

Nuk kanë fund skandalet në Ministrinë e Arsimit. Deri më tani, kjo ministri është e njohur për abuzime me doktoraturat, për kundërshti ndaj ligjit të saj për arsimin e lartë, teksa tani ka nisur dhe aferat me procesin e akreditimit të universiteteve, shkruan “Sot”. Në mars të këtij viti u arrit një tjetër kontratë me Agjencinë Britanike të Akreditimit, për të bërë kontrollin dhe çertifikimin e universiteteve publike dhe private në vend. Por dje, ministrja Lindita Nikolla ka zbardhur një skandal shumë të madh, duke treguar favorizimin e dy universiteteve private dhe ndëshkimin e universitetit më të madh në vend, atë të Tiranës.

Procedurës së akreditimit janë duke iu nënshtruar 6 universitete në vend: Universiteti Politeknik, ai Bujqësor, i Elbasanit, Universiteti i Shkodrës, dhe dy institucione jopublike ?Marlin Barleti? dhe Universiteti Europian i Tiranës. Për këto universitete në muajin tetor do të ketë një konkluzion të qartë mbi cilësinë dhe me shumë gjasa të gjithë do akreditohen, sidomos dy universitete private. Bie në sy fakti se në listë nuk përfshihet universiteti më i madh i vendit, që është Universiteti i Tiranës, i cili do certifikohet në qershor 2017. Akreditimi i universiteteve të mësipërme sjell dhe hapjen e cikleve të ndryshme të studimit, siç është ai i doktoraturave.

Pedagogët e këtij universiteti kanë qenë gjithmonë kritikë ndaj Ministrisë së Arsimit dhe si duket tani do të certifikohen të parët universitetet e mësipërme, mes të cilëve UET e Henri Çilit, dhe ?Marlin Brleti?. Por pse në listë janë pikërisht këta dy të fundit? UET dihet se tashmë është universiteti më i afërt i ministres Nikolla, pasi dhe ligji për arsimin e lartë u bë vetëm për të. Po ashtu, ai është i vetmi që përfitoi nga doktoraturat. Nga ana tjetër, ?Marlin Barleti? po akreditohet i pari për shkak se pjesë e stafit ashtë Adriana Berberi, shefe e Kabinetit në Ministrinë e Arsimit.

Ministria e Arsimit është e njohur për favoret ndaj universiteteve private dhe tani përveç Universitetit të Tiranës, në listën e të preferuarve është dhe ?Marlin Barleti?, i Arlinda Dudës, edh kjo e njohur si njeri pranë qeverisë. Ndonëse në vend janë një sërë universitetesh private dhe të vlerësuara madje dhe jashtë shtetit, Nikolla ka zgjedhur që të akreditojë të parët dy universitetet që janë më pranë qeverisë. Po përse ndodh një gjë e tillë? Pse në prag të viteve të reja akademike, Ministria e Arsimit përfshihet në skandale?

Faktet janë të thjeshta. Procesi i akreditimeve për universitetet e mësipërme mbyllet në tetor, periudhë kur dhe nisin universitetet. Në momentin që një universitet privat është i akredituar, ai mund të fusë dhe cikle të tjera studimi, por dhe studentët janë të orientuar drejt tij, sepse e dinë se diploma në një universitet të certifikuar ka më shumë vlerë. Nga ana tjetër, në listë janë futur dhe universitetet si ai Politeknik, i Elbasanit, Shkodrës dhe Bujqësori. Normalisht, këto universitete kanë rëndësinë e tyre në vend, por dihet se më kryesori është pikërisht Universiteti i Tiranës. Ministrja Nikolla tha dje se ka qenë agjencia britanike ajo që i përzgjodhi këto universitete, por dihet se agjencia drejtohet nga ministria që e ka kontraktuar dhe normalisht ajo duhet të bashkëpunojë për të vendosur se kush ka më shumë nevojë të akreditohet. Faktet janë se nevojën më të madhe se ka universiteti i Tiranës, për shkak se mungesa akreditimeve ka sjellë dhe bllokimin e bllokimin e doktoraturave.