web counter
LEXO PA REKLAMA!

SHKARKO APP

App Store
Google Play

E fundit!

x

Operacioni “QUARANTA”/ Arrestohen 7 shtetas shqiptarë për drogë, ja rolet në organizatë

11 Qershor 2016, 10:15, Aktualitet CNA

Policia e Shtetit, nën koordinimin e Prokurorisë pranë Gjykatës së Shkallës së Parë për Krime të Rënda Tiranë, ka finalizuar me sukses operacionin ?QUARANTA?, duke arrestuar 7 shtetas shqiptarë për trafik ndërkombëtar të drogës.

Burime nga policia thanë se të arrestuar janë shtetasit Petro (Abedin) KUCI, 47 vjeç, banues në Stiar, Delvinë. (Organizator), Arben KANINA, 44 vjeç, banues në Delvinë. (Organizator), Mirel ADEMI, 31 vjeç, banues në Delvinë. (Transportues), Artur SHUKULLI, 42 vjeç, banues në Delvinë. (Transportues), Donald (QOSJA) SHANDRO, 36 vjeç, banues në Lushnje. (Organizator), Bledar MURATI, 29 vjeç, banues në Durrës. (Transportues) dhe Xhovan SARAÇI, 30 vjeç, banues në Durrës. (Transportues)

Proçedimi penal numër 172, është regjistruar pranë Prokurorisë për Krime të Rënda në shtator të vitit 2013.

Hetimi ka pasur një shtrirje kohore rreth tre vjeçare, kohë gjatë së cilës janë sekuestruar në vendin tonë dhe në Zvicër në disa raste;

Në kuadër të këtij procedimi janë arrestuar gjithsej në vendin tonë dhe në Zvicër 16 shtetas, nga të cilët 3 në Zvicër dhe 13 në vendin tonë.

Shtetasit e arrestuar në vendin tonë ishin pjesë e tre grupeve kriminale që operonin në Tiranë, Durrës, Fier, Gjirokastër dhe Sarandë.

Lënda narkotike kryesisht sigurohej në Lazarat dhe në malësinë e Vlorës. Më pas transportohej me mushka, grumbullohej në zonën e pyllëzuar të Delvinës ose në shtëpi të pa banuara dhe trafikohej drejt Greqisë ose Italisë.

Po bashkëpunohet  me partnerët  e vendeve të tranzitit dhe destinacionit  të lëndëve narkotike,  me qëllim  shkëmbimin  e informacionit  dhe materialeve proceduriale, që dokumentojnë me prova ligjore  aktivitetin  kriminal  të trafikimit  të lëndëve narkotike.

 

 





Lajmet e fundit nga