web counter
LEXO PA REKLAMA!

SHKARKO APP

App Store
Google Play

E fundit!

x

Pajisja e përgjimit/ Prokuroria sekuestron kamerat e Bashkisë

10 Qershor 2016, 08:11, Aktualitet CNA

Prokuroria e Tiranës ka sekuestruar kamerat e jashtme të Bashkisë së Tiranës në lidhje me hetimin e pajisjes e përgjimit ?IMSI Catcher?

Dyshimi se pajisja e përgjimit është lëvizur në datën 13 maj ka shtyrë prokurorinë të sekuestrojë kamerat e Bashkisë për të analizuar pamjet e regjistruara.

Prokuroria ka sekuestruar gjithashtu serverin qendror të kamerave të sigurisë në ambientet e Forcave të Posaçme Operacionale të Policisë së Shtetit.

Mësohet se prokuroria ka marrë në pyetje drejtuesit e këtij reparti, të cilët kanë pohuar se kamerat nuk punojnë, por organi i akuzës ka dyshime se është ndërhyrë për fshirjen e tyre.

Prokuroria ka dyshime edhe për anëtarët e Policisë së Shtetit dhe pjesëtarët e grupit trajnues, pasi pas urdhrit për sekuestrimin e pajisjes, e cila dyshohej se ishte në ambientet e Drejtorisë së Përgjithshme të Policisë, automjeti me pajisjen më datë 13.05.2016 është larguar nga ky ambient rreth orës 12:00.

Sipas prokurorisë, fakti që mjeti së bashku me pajisjen ka lëvizur në të paktën dy herë një specialist shqiptar, është një prej arsyeve që e ngarkon me përgjegjësi dhe titullarin e Forcës.

Disa ditë më parë, me kërkesë të prokurorisë, gjykata vendosi pezullimin nga detyra për drejtorin e Përgjithshëm të Policisë, Haki Çako, për veprën penale ?shpërdorim detyre.

 





Lajmet e fundit nga