web counter
LEXO PA REKLAMA!

SHKARKO APP

App Store
Google Play

PS-LSI përplasen për koncesionet

9 Qershor 2016, 07:45, Aktualitet CNA

Përplasjet mes Partisë Socialiste dhe Lëvizjes Socialiste për Integrim në lidhje me kalimin e koncesioneve në Parlament nuk kanë munguar edhe dje, ndonëse mbledhja e Komisionit të Veprimtarive u zhvillua me dyer të mbyllura, madje edhe jo në orarin që ishte parashikuar paraprakisht. Ashtu si në prezantimin e nismës së LSI-së, PS ka mbajtur përsëri një qëndrim kritik ndaj tij, raporton “Sot”. Ka qenë kryetari i Komisionit të Veprimtarisë Prodhuese, Eduard Shalsi, i cili ka shprehur hapur kundërshtitë.

?Asnjë vend i Bashkimit Evropian nuk parashikon dhënien e koncesioneve me metodën që parashikon LSI-ja. Futja në Parlament nuk jep asnjë garanci?, ka deklaruar Eduard Shalsi. Ndërkohë në emër të Lëvizjes Socialiste për Integrim ka reaguar Petrit Vasili, i cili është edhe një nga hartuesit e kësaj nisme. ?Kjo ka qenë një kërkesë e Fondit Monetar Ndërkombëtar. Garancia në këtë rast është transparenca që iu bëhet koncesionve, diskutimi i të cilave shtrihet deri në Parlament?, ka deklaruar Petrit Vasili në përgjigje të Eduard Shalsit. Ndërkohë pas komenteve të Shalsit votimi i propozimit të LSI-së është shtyrë përsëri,  vijon më tej e përditshmja “Sot”.





Lajmet e fundit nga