E fundit!

15:23 Aktualitet

"Zona që ilustron më mirë çfarë është keq në Shqipëri"/ Malltezi publikon pamje nga vendgrumbullimi i plehrave në Elbasan

Jamarbër Malltezi, në Ditën Botërore të Mjedisit, ka vizit...

Duka: Mazhoranca me koshiencë futi në Parlament njerëz me rekorde kriminale

5 Qershor 2016, 16:53, Aktualitet CNA

Kryetari i Partisë Agrare Ambientaliste është shprehur gjatë një takimi me banorët e Elbasanit se mazhoranca aktuale me koshiencë të plotë zgjodhi të fuste në Parlament njerëz me rekorde kriminale, ndërkohë që tashmë na thotë se ?Ku janë??. Sipas kryetarit Duka, ata po dalin çdo ditë. Po ashtu zoti Duka premtoi se Partia Agrare Ambientaliste nuk do të ketë asnjëherë në përfaqësimin e saj njerëz të tillë, por njerëz profesionistë dhe të punës.

?Ka një opozitë e cila vë gishtin dhe tregon njerëz me emra si në parlament edhe në krye të pushtetit vendor të cilët janë me rekorde kriminale. Ndërkohë që ka një mazhorancë, një kryeministër i cili jo më larg se dje në një takim me Forumin e Gruas së Partisë Socialiste, deklaroi që ?Ku janë kriminelët??. Këto po dalin çdo ditë. Por nuk është kjo që na shqetëson, problemi është, sipas mendimit tim të paktën, njerëzit duhet të zgjedhin me opinion, jo vetëm me letra, sepse kjo puna e letrave, shkresave për të gjetur dëshmi të pastra penale, lindi pikërisht nga kjo. Këta me koshiencë futën njerëz me rekorde kriminale në parlament. Dhe pse i futën? Jo se i donin fort, por sepse mendohet se janë më të fortë dhe ata grumbullonin më shumë vota për të ardhur në pushtet. Pra nëse kjo kthehet në qëllim në vetvete, atëherë kjo sjell këtë pasojë që ne kemi sot. Kjo politikë konfliktuale në fund të fundit po vonon reformat. Ka raste që kthehet në butafori, në ngjarje groteske, siç janë këto rastet e fundit, dorëheqje, rifillim përsëri. Unë mendoj se Partia Agrare Ambientaliste, do të zgjedhë njerëzit e punës. Është shumë e thjeshtë për të marrë opinionin e njerëzve. Por nëse ti nisesh edhe kërkon njerëz të fortë për të mbledh vota, ose njerëz që kanë përkrahjen e të fortëve siç ka ndodhur në shumicën e vendeve në Shqipëri si Krujë, Kavajë, Durrës, Shijak, etj, edhe nëse ato nuk janë të fortë por rrethohen nga të fortit, atëherë kjo kthehet në një terren i cili dëmton jo vetëm politikën e kësaj partie, por dëmton politikën në përgjithësi. Prandaj unë i bëj thirrje politikanëve të të dy krahëve që të zgjedhin njerëzit e ndershëm sepse nëpërmjet tyre në fund të fundit pastrojmë veten tonë por jemi shembull pozitiv për gjithë shoqërinë shqiptare dhe kjo do të sjellë vetëm zhvillim. Për këtë ju jap fjalën se të gjithë njerëzit që do të zgjidhen nga Partia Agrare Ambientaliste për të qënë në kreun e listave do të jenë njerëz të punës, njerëz të cilët japin shembull pozitiv, njerëz të cilëve ndoshta do u kërkojnë edhe formularin e dekriminalizimit thjeshtë për formalitet sepse bërë ligji, por opinioni juaj do i vlerësojë ata. Pra njerëz të punës që nuk do të kenë nevojë fare të paraqesin asnjë dokument dekriminalizimi? tha zoti Duka.

Në këtë takim në Elbasan u prezantuan kryetarët e PAA në të gjithë bashkitë e Qarkut të Elbasanit, të Forumit të Gruas dhe të Rinisë. I pranishëm në këtë takim, ish-kryetari i PAA, zoti Xhuveli tha se PAA tashmë ka hyrë në një epokë të re të saj, atë të ristrukturimit, dhe bëri thirrje për hedhje të bazave të forta sepse tashmë, sipas tij, janë mundësitë që PAA të ketë një përfaqësim të madh në parlament.