Konventa Zgjedhore e LRI/ Zgjidhet kryetarja e Vlorës

5 Qershor 2016, 12:38, Aktualitet CNA

Lëvizja Rinore për Integrim organizoi sot Konventën Zgjedhore të Vlorës, ku të pranishëm ishin edhe nënkryetarët e LSI-së, Kejdi Mehmetaj dhe Endrit Braimllari. Në përfundim të Konventës të rinjtë e LRI iu nënshtruan votimeve për kreun e saj në Vlorë.

Pas përfundimit të votimeve, ku votuan 161 delegatë, fituese për kreun e LRI Vlorë u shpall Enada Kociraj, me 97 vota. Kandidati tjetër, Sami Meta, mori vetëm 64 vota.

Duke folur gjatë Konventës, deputetja e LSI-së, Kejdi Mehmetaj tha se është momenti që të rinjtë të bashkohen dhe të tregojnë forcën e tyre për të ndryshuar politikën shqiptare dhe për të vënë interesat e vendit mbi interesat personalë.

?Jemi përpjekur gjatë këtyre viteve të bëjmë punë të mëdha. Disa herë ia kemi dalë, disa herë ka qenë më e vështirë dhe prandaj ne punojmë çdo ditë që më shumë të rinj të jenë të përfshirë në vendimmarrje sepse sa më të shumtë jemi ne, aq më të lehta do të jenë punët të cilat ne do të bëjmë. Është ky momenti kur ne duhet të bashkohemi dhe të tregojmë forcën tonë për të ndryshuar politikën shqiptare, për të thënë që interesat e vendit janë mbi interesat individuale. Për të thënë se interesat e qytetarëve dhe nevojat e vendit tonë janë më të mëdha se sa ato që ne personalisht kemi dhe vetëm të rinjtë janë ata që mund t?i dalin për të sjellë një frymë të re në Shqipëri?, – tha znj. Mehmetaj.

Kryetari i LRI-së, Endrit Braimllari deklaroi në fjalën e tij se klasa politike duhet t?u shërbejë të rinjve e të reja dhe duhet t?u krijojë mundësi arsimimi dhe përfaqësimi në mënyrë dinjitoze. Braimllari theksoi se LRI-ja sot është forumi rinor më aktiv në Shqipëri dhe që mbron interesat e të rinjve.

?Sot vijmë me një LRI shumë më të madhe se ajo që themeluam, me një LRI më aktive, më të hapur dhe më gjithëpërfshirëse. LRI në mënyrë të qartë është forumi rinor i vetëm aktiv në vend, është forumi rinor i cili mbron interesat e të rinjve dhe sot ndihemi krenarë që LRI përfaqësohet kudo. Klasa politike duhet t?u shërbejë të rinjve dhe të reja, klasa politike duhet t?u krijojë mundësi të rinjve dhe të reja të arsimohen, të edukohen dhe duhet t?i krijojë mundësi të përfaqësohen në mënyrë dinjitoze, sepse kur flasim për profesionalizëm nuk mund të lëmë pas arsimimin. Ne kemi nevojë për një sistem arsimor që prodhon lidership sa i takon ekonomistëve të zotë, mjekëve të zotë, inxhinierëve të zotë. Për të realizuar këtë duhet vullnet i plotë, duhet energji pozitive, por mbi të gjitha duhet bashkëpunim dhe ndaj ne investojmë jashtëzakonisht shumë te rinia sepse kemi besimin që rinia nuk është vetëm e ardhmja, por është edhe e tashmja. Kemi besimin që të rinjtë dhe të rejat e Vlorës janë të aftë ta menaxhojnë vetë Vlorën, janë të aftë t?i shërbejnë vetë Vlorës?, – tha z. Braimllari.

Në fjalën e tij përshëndetëse para të rinjve, deputeti Shkëlqim Selami theksoi se premtimet për Vlorën janë bërë realitet, ndërsa renditi dhe një sërë projektesh që kanë nisur e që janë në realizim e sipër.

?Absolutisht që unë jam krenar sot, sepse 90 për qind e atyre premtimeve janë bërë realitet. Në përfundim kemi Lungomaren. Kemi përfundimin e fazës së parë të portit. Kemi fillimin e punimeve që kanë kohë që kanë filluar si By-pass-i i Vlorës. Kemi bashkimin e autostradës me Transballkaniken dhe këto janë disa investime strategjike që janë garanci jo vetëm për ju, por për të gjithë qytetarët e Vlorës, që Vlora nesër të mos jetë Vlora me 180-200 mijë banorë, por të jetë me 300 mijë banorë dhe të kthehet vërtet në një metropol të dytë.