web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Ramës dhe Bushatit për Çamërinë/ Athina reagon me tone të ashpra

5 Qershor 2016, 12:31, Aktualitet CNA

Athina zyrtare ka raguar me tone të ashpra ndaj deklaratave të kryeministrit Edi Rama, në Kongresin e PDIU dhe të ministrit të Jashtëm, Ditmir Bushati, të cilët kanë folur për çështjen Çame.

Nëpërmjet Zyrës së Shtypit të Ministrisë së Jashtme, Athina hedh poshtë pretendimet  për ekzistencën e çështjes çame dhe fakteve historike që, sipas saj, janë vulosur me vendime të gjykatave dhe as nuk debatohen e as diskutohen.

Me një ton gati luftarak Athina i tregon Tiranës se për vazhdimin e saj në rrugën europiane, kjo e fundit duhet të respektojë pesë parimet bazë të Bashkimit Europian, ku njëri prej tyre është respekti i të drejtës dhe vendimeve të drejtësisë, ndaj, respektimi i vendimeve të drejtësisë, sidomos kur bëhet fjalë për kriminelë lufte, siç Athina konsideron çamët e dëbuar në 1920-1944.

“Kultura politike e nevojshme mes fqinjëve presupozon seriozitet, respekt për faktet reale të historisë, por dhe vizionin e nevojshëm për të vazhduar marrëdhëniet që nuk do të cënohen nga deformimi me dashje ose jo i fakteve historike, por do të bazohen në betonimin në themele të forta të marrëdhënieve të fqinjësisë së mirë mes dy vendeve, që do të ndihmojë edhe në stabilitetin dhe sigurinë në rajon?, përfundon reagimi i Ministrisë së Jashtme greke.





Lajmet e fundit nga