E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Drejtori i ARRSH nën hetim nga prokuroria/ I shkaktoi shtetit 1.7 miliard lekë dëm

5 Qershor 2016, 13:18, Aktualitet CNA

Drejtori i ARRSH, Dashamir Xhika, është nën hetim nga Prokuroria pasi i ka shkaktuar buxhetit të shtetit një dëm prej 1.7 miliardë lekë të vjetra.

Kallëzimi për drejtorin Dashamir Xhika është kryer nga Kontrolli i Lartë i Shtetit, i cili pas auditimit në ARRSH zbuloi shkeljet e rënda. Drejtori i Xhika, akuzohet për ?Shpërdorim detyre? dhe ?Shkelje të barazisë së pjesëmarrjeve në tendera apo ankande publike?.

Këto nuk janë të vetmet shkelje të zbuluara nga KLSH-ja. Në raportin për periudhën Janar-Prill 2016. Rezulton se ARRSH, e cila drejtohet nga Dashamir Xhika, i ka shkaktuar buxhetit të shtetit një dëm prej 9 miliardë lekë të vjetra. Sipas këtij raporti, rezulton se ARRSH është institucioni me më shumë shkelje në raportin e KLSH. Shkelje janë konstatuar në sektorin e tatim-taksave, me një dëm prej 50 milionë lekë të vjetra, në procedurat e prokurimit me një dëm shkaktuar buxhetit prej 1.1 miliardë lekë, në disiplinën financiare, me një dëm prej 1 miliardë lekë. Dëmi më i madh që ARRSH i ka shkaktuar buxhetit të shtetit është në ?Zbatimin e Punimeve?. Nga auditi i KLSH, rezulton se dëmi i shkaktuar shtetit është 5.1 miliardë lekë të vjetra. Të gjitha shkeljet e mësipërme, së bashku me shkeljen e vetë drejtorit, Dashamir Xhika, përllogariten në një shifër të frikshme prej 9 miliardë lekë të vjetra, dëm i shkaktuar ndaj buxhetit të shtetit.

Aksidenti Durrës – Plepa

Drejtori i ARRSH, Dashamir Xhika, ishte shkaktari i një aksidenti në rrugën Durrës-Plepa, ku dy fëmijë humbën jetën si pasojë e mungesës së mbrojtësve anësore në rrugë. Lidhur me këtë rast, Dashamir Xhika, nuk ka zbatuar vendimin të formës së prerë të gjykatës së Apelit Administrativ, i datës 1 Korrik 2014, e cila i ka kërkuar drejtorit të ARRSH të vendosë mbrojtëse anësore. Dy vjet pas këtij vendimi, mungesa e mbrojtësve për të favorizuar një karburant, i mori jetën dy fëmijëve.

Prokuroria e Kavajës e ka vënë zyrtarisht nën hetim Dashamir Xhikën, pasi daljes në dritë të këtyre fakteve që e implikojnë atë në këtë skandal. Ai konsiderohet si përgjegjës për pasojat tragjike të aksidentit me dy fëmijë të vrarë.

Edhe pse drejtori i ARRSH, Dashamir Xhika është nën hetim për dy çështje nga prokuroria, për dëmin e shkaktuar buxhetit të shtetit, prej 1.7 milionë euro si dhe për moszbatimin e vendimit të formës së prerë të Gjykatës së Apelit Administrativ, Xhika nuk është dorëhequr nga posti i drejtorit./citynews