web counter
LEXO PA REKLAMA!

SHKARKO APP

App Store
Google Play

E fundit!

x

Pezullohen zgjedhjet për krerët e PS në 8 bashki

4 Qershor 2016, 07:24, Aktualitet CNA

Përplasje dhe mosmarrëveshje në bazë për kandidatët për krerët e degëve të Partisë Socialiste në rrethe. Në 8 bashki të vendit, socialistët kanë pezulluar procesin zgjedhor pas akuzave se nuk ka garë të mirëfilltë për kryetarët e rinj, pasi kandidatët po emërohen nga qendra. Kështu, në Tiranë, Vorë, Kamëz, Kukës, Has, Tropojë, Mirditë dhe Dibër, procesi zgjedhor nuk ka nisur ende për të zyrtarizuar një emër kryetar edhe pse Kryesia e PS vendosi që zgjedhjet të përfundonin të dielën e kaluar.

Gazetën ?Sot? shkruan se  baza socialiste në këto bashki ka shprehur pakënaqësi për kryesinë e qendrës, pasi po emëron drejtuesit e rinj nëpërmjet një gare fiktive për kryetarë. Rasti më i fundit i konfliktit në bazë ishte në Shkodër. Arvit Osja, drejtuesi i ri i PS në Shkodër, nuk është pranuar nga baza socialiste, gjë që ka prodhuar shumë debate dhe pakënaqësi. Agim Shimaj dhe Martin Cubi, të cilët janë angazhuar me mbikëqyrjen e zgjedhjeve, i janë shprehur koordinatorit për Veriun, Ditmir Bushati, se Arvit Osja është emëruar në krye të Bashkisë Shkodër, pasi baza nuk e do. Për Tiranën, beteja është akoma edhe më e ashpër, pasi në qendër të saj janë vënë dy kundërshtarët Sajmir Tahiri dhe Erion Veliaj, të cilët po lobojnë për njerëzit e tyre për kryetarë të degës së PS për kryeqytetin. Dihet tashmë që Veliaj dhe Tahiri janë në luftë të hapur me njëri-tjetrin për trashëgiminë e PS, madje, kryebashkiaku po promovohet për të qenë në një të ardhme kryeministri i Shqipëri.

Të dy personazhet po punojnë fort, që drejtimi i PS për Tiranën të merret nga individë të afërt pro tyre. Kjo po vonon edhe procesin zgjedhor në të gjithë Qarkun e Tiranës. Sipas burimeve, po zhvillohen konsulta me kryeministrin Edi Rama për kandidaturat që do të propozohen për kryetarë. Gjatë ditëve në vijim do të mblidhet sërish Kryesia e PS, e cila do të marrë një vendim për nisjen e zgjedhjeve kryesisht për Tiranën dhe në të gjitha bashkitë e tjera ku procesi është pezulluar.





Lajmet e fundit nga