web counter
LEXO PA REKLAMA!

SHKARKO APP

App Store
Google Play

Zgjedhje të parakohshme në 4 bashki/ LSI braktis PS-në, e vendosur të mos e mbështesë

4 Qershor 2016, 07:13, Aktualitet CNA

Lëvizja Socialiste për Integrim dhe Partia Socialiste e shohin shumë larg tani njëra-tjetrën. Edhe pse janë të dyja pjesë e një koalicioni, marrëdhëniet mes tyre nuk janë fort të mira dhe pritet që të përkeqësohen në ditët në vijim. Kohët e fundit ka pasur shumë debate dhe përplasje mes tyre, por duket se dhe dekriminalizimi do të sjellë tension.

Janë tre kryetarë bashkish në vend që dyshohen me lidhje kriminale dhe që pritet të largohen së shpejti. Në këto bashki do të ketë zgjedhje të reja. Ndërkohë edhe Kushtetuesja do të vendosë në ditët në vijim për mandatin e Shukri Xhelilit, që u shkarkua si kryebashkiak i Dibrës. Janë pra 4 bashki që pritet të shkojnë në zgjedhje të parakohshme dhe PS do të ketë një sfidë të madhe përpara. Mësohet se LSI nuk do ta mbështesë partinë kryesore në vend, raporton ?Sot?

Që në rastin e Dibrës u deklarua disa herë se LSI nuk do e mbështesë PS, por mësohet se edhe nëse shkohet në zgjedhje në bashki të tjera për shkak të dekriminalizimit, nuk do të ketë asnjë mbështetje nga LSI. Aleatja e PS ka mbetur shumë e zhgënjyer nga bashkëpunimi deri më tani dhe duket se zgjedhjet e parakohshme do të ndajnë përgjithmonë palët. Mësohet se në shumë bashki të vendit ka përplasje të forta PS-LSI, kjo pasi përfaqësuesit e LSI akuzojnë socialistët se nuk zbatojnë marrëveshjen e 21 qershorit.

Ata shprehen se nuk janë futur në punë dhe nuk merren parasysh mendimet e tyre, teksa edhe krerët e bashkive i kanë sulmuar në shumë raste. Por duket se tani PS dhe LSI do të jenë në provë force, pasi në rast zgjedhjesh të parakohshme në disa bashki në kuadër të dekriminalizimit, palët pritet që të dalin me kandidatë të ndarë dhe kjo do sillte ndoshta fundin e koalicionit.





Lajmet e fundit nga