web counter
LEXO PA REKLAMA!

SHKARKO APP

App Store
Google Play

E fundit!

x

Helmimi nga ushqimi/ AKU: Restoranti në bllok është gjobitur 3 herë

4 Qershor 2016, 06:47, Aktualitet CNA

Autoriteti Kombëtar i Ushqimit, AKU ka reaguar dje pas rastit të helmimit të disa personave në restorantin ?Artigiano? në Tiranë.

AKU bëri të ditur se, ky restorant ka qenë në vëmendjen tonë dhe ndaj tij, është marrë tre herë masa disiplinore me gjobë. Kontrolli i fundit i ushtruar nga AKU në restorantin me fjalë, është zhvilluar në muajin shkurt të këtij viti.

Gjatë këtij inspektimi, inspektorët e AKU-s kanë konstatuar mangësi në dokumentacionin shoqërues të produkteve ushqimore, pra dokumente që i mungonin sistemit të gjurmueshmërisë. Për këtë arsye, ?Artigiano? është gjobitur nga AKU me vlerën e 100 mijë lekëve. AKU garanton konsumatorin, se asnjë subjekt pavarësisht ku ndodhet apo emrit nuk i shpëton vëmendjes dhe kontrollit të AKU-së.

Disa persona janë paraqitur gjatë dy ditëve të fundit në Qendrën Spitalore Universitare me të njëjtat simptoma pas konsumimit të ushqimeve në restorantin ?Artigiano? në Tiranë. Policia e kryeqytetit ka nisur menjëherë hetimin ndërsa Instituti i Shëndetit Publik dhe AKU-ja po analizojnë shkaqet e këtij helmimi. Nga analizat paraprake të kryera, dyshohet se personat kanë konsumuar ushqim të infektuar me bakterin salmonelë, çka ka shkaktuar helmimin e këtyre personave.

 





Lajmet e fundit nga