E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ahmetaj: Këtë verë lëmë mbrapa krizën ekonomike/ FMN: Lajmet për rritjen ekonomike, inkurajuese

31 Maj 2016, 09:53, Aktualitet CNA

Ministri i Financave, Arben Ahmetaj, tha sot gjatë një dalje për shtyp së bashku me shefin e FMN Jens Reinke, se kjo verë do të shënojë lënien mbrapa të krizës ekonomike.

?Unë jam shumë i lumtur që t?ju them se vera e këtij viti shënon lënien mbrapa të krizës ekonomike. Nuk po e lexoj këtë ku thuhet: progres mbresëlënës?, tha Ahmetaj

Gjithashtu, ministri i Financave foli edhe për ligjin organik të buxhetit. Ai theksoi se për herë të parë vendoset me ligj që qeveritë të ulin borxhin publik dhe jo ta rrisin.

?Dje kemi kaluar në komision ndryshimet. Është një epokë e re në menaxhimin e financave publike dhe mbi të gjitha vendos rregullin fiskal. Asnjë qeveri me ligj nuk ka të drejtë të rrisë borxhin, përveçse ka detyrim të uli. Pra, për herë të parë në ligjin organik të buxhetit shënohet një rregull fiskal. E dyta që ju intereson jashtëzakonisht shumë: kontrollon të gjitha lëvizjet financiare të qeverisë në një vit elektoral. Nuk ka të drejtë asnjë qeveri që të harxhojë në tremujorin e parë më shumë se 30% të deficitit manual dhe brenda 6 muajsh, jo më shumë se 55%. Me këtë nuk i lejojmë asnjë qeverie, mbi të gjitha tonës që të abuzojë me financat publike në një vend elektoral.?, theksoi ai

Në fjalën e tij, Ahmetaj foli edhe për normën e papunësisë, për të cilën u shpreh se tendenca për uljen e saj është e lartë.

?Është rritur punësimi 4.8%. Papunësia është ulur me 0.4%. Janë qytetarë të cilët kanë gjetur punë. Norma e papunësisë mbetet akoma e lartë, por tendenca është në ulje?, tha ministri

Nga ana tjetër, përfaqësuesi i FMN-së, Jens Reinke, u shpreh se programi ka perforëmuar në një mënyrë të mirë. Ai tha se lajmet për rritjen ekonomike janë inkurajuese.

?Ka pasur një trajektore shumë të mirë të axhustimit fiskal. Lajmet për rritjen ekonomike janë inkurajuese. Ne do të donim që rritja ekonomike të jete më e lartë në mënyrë që jeta e shqiptarëve të ndryshojë. Por për këtë duhet krijuar një mjedis më i mirë për biznesin?, tha ai.?, tha Reinke