web counter
LEXO PA REKLAMA!

SHKARKO APP

App Store
Google Play

E fundit!

x

Arben Ahmetaj: Ligji Organik i Buxhetit, mundësi për ulje të borxhit

31 Maj 2016, 06:08, Aktualitet CNA

Ministri i Financave, Arben Ahmetaj ka folur ditën e djeshme në Komisionin e Ekonomisë lidhur me ndryshimin e ligjit Organik të Buxhetit. Në fjalën e tij Ahmetaj tha se ligji  është shtyllë kurrizore e menaxhimit të financave publike dhe mishëron parime të patjetërsueshme të menaxhimit të financave publike dhe të shëndetshmërisë makro-fiskale.

“Shqetësimi, i cili në Ligjin Organik të Buxhetit por dhe në ndryshime është reflektuar për sa i përket gjyqësorit, ne kemi dy komunikime të rëndësishme me Komisionin e nderuar. E para çështjen e financimit të gjyqësorit e zgjidh Reforma në Drejtësi dhe e dyta, ashtu sikurse kemi rënë dakord, parimi thelbësor i llogarisë së njësuar të Thesarit që janë të pacënueshme, i bëjnë ndryshimet zgjidhjen dhe alternativën më të mirë, edhe e referuar me standardin.”u shpreh Ahmetaj.

Ministri theksoi se ligji synon uljen  e borxhit dhe krijimin e një  instrumenti disipline të vazhdueshme. “Çështja e borxhit dhe çështja e rregullit fiskal në këtë ligj, në këto ndryshime, është mishëruar më së miri me parimin dhe me përpjekjen që bën mazhoranca dhe Qeveria për të ulur borxhin dhe për të krijuar një instrument disipline të vazhdueshme. Nuk ka pasur instrument të kësaj natyre dhe kur ka pasur, është kthyer. Tani e kemi në ligj, në Ligjin Organik të Buxhetit dhe garanton uljen e vazhdueshme të borxhit dhe gjithashtu, ka dhe instrumentin kundërciklik, që i jep mundësi qeverisë që të përballojë momente krizash apo të përshpejtojë uljen e borxhit në momente të përshpejtimit të rritjes ekonomike.” theksoi Ministri i Financave.





Lajmet e fundit nga