E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

40-vjetori i PPE/ Basha: Propozimet e PD, alternativa për të nxjerrë vendin nga kriza

31 Maj 2016, 07:51, Aktualitet CNA

Kryetari i Partisë Demokratike, Lulzim Basha, është i ftuar në 40 vjetorin e PPE e cila po zhvillohet në Luksemburg. Përmes një postimi në rrjetet sociale, Basha shkruan se PPE është forca e parë në europë në 16 vitet e fundit. Sipas tij, Partitë Popullore europiane mbështesin PD-në në garantimin e zgjedhjeve të lira dhe të ndershme.

?Partia Popullore Europiane dhe partitë simotra mbështesin Partinë Demokratike për platformën e saj elektorale dhe garantimin e zgjedhjeve të lira dhe të ndershme.

Në Luksemburg për 40-vjetorin e PPE, me drejtuesit më të lartë të Bashkimit Europian, kryetarë shtetesh dhe qeverish të vendeve anëtare, rikthyem në vëmendje angazhimin e Partisë Popullore Europiane, për një Europë të fortë, transparente dhe efikase në shërbim të qytetarëve të saj.
Punësimi, stabiliteti ekonomik, konkurrenca, siguria dhe zhvillimi janë ato çka e djathta i ka ofruar Europës. Kjo është dhe arsyeja që PPE vazhdon të qëndrojë për 16 vjet me radhë si forca kryesore politike në Europë?, shkruan Basha

Më tej, kreu demokrat ka thekusar se ka marrë mbështetje për programin e PD dhe realizimin e tij në qeveri nesër. Sipas Bashës, në takim u vlerësuan propozimet e opozitës si alternativa e duhur për të nxjerrë vendin nga kriza.

?Partia Demokratike e Shqipërisë ndan të njëjtat vlera me partitë simotra anëtare të PPE-së dhe lufton çdo ditë që t?u ofrojë të njëjtat standarde edhe qytetarëve shqiptarë.
Mbështetje dhe ndihmë konkrete nga krerët e qeverive dhe partive simotra për zbatimin e ligjit të dekriminalizimit, garantimin e zgjedhjeve të lira dhe të ndershme si kushti kryesore i avancimit të Shqipërisë në rrugën e integrimit në Bashkimin Europian. Mbështetje po kështu për programin e Partisë Demokratike dhe realizimin e tij nesër në qeverisjen e vendit. Duke vlerësuar propozimet tona si alternativën e duhur për të nxjerrë vendin nga kriza, krerët e politikës europiane u impenjuan për mbështetje konkrete në zbatimin e tij duke nisur nga mbështetja për programin e bujqësisë dhe arsimit e deri tek nxitja e investitorëve të huaj për të investuar në Shqipëri, që do të përkthehet në punësim dhe përmirësim të standardit të jetesës për çdo shqiptar?, përfundoi Basha