E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Zgjedhjet në PS/ Kandidatët e Ramës dhe Kokëdhimës humbin në Përmet dhe Gjirokastër

29 Maj 2016, 07:13, Aktualitet CNA

Zgjedhjet për krerët e degëve të Partisë Socialiste në 61 bashkitë e vendit, kanë sjellë edhe surpriza. Ish-deputeti i Partisë Socialiste, Koço Kokëdhima dhe kryeministri Edi Rama kanë marrë një shuplakë në Vaun e Dejës, Përmet dhe Gjirokastër, pasi kandidatët e tyre për kreun e PS kanë humbur.

Sokol Shkreli, kandidati i vetëm i futur në këtë garë nga Koordinatori i rajonit Shkodër, Ditmir Bushati, ka rezultuar të jetë aq shumë i papëlqyer, sa edhe garën me vetveten e ka humbur, shkruan “Sot” Ai ka marrë vetëm 27 vota nga anëtarët e asamblesë socialiste të Bashkisë Vau Dejës dhe ka marrë 30 vota kundër dhe 1 abstenim. Në këto kushte, ai nuk ka marrë bekimin e strukturave për të drejtuar këtë degë. Ky rezultat ka qenë një mesazh ndaj qendrës, e cila ka seleksionuar rrugës emrat e kandidatëve, duke eliminuar edhe ish-kryetarin e komunës Shllak, Mark Zhuri, e duke sjellë në garë një kandidat, me synimin ?emërimin? de fakto të tij. Por strukturat nuk e kanë pranuar këtë ofertë, duke krijuar një situatë të paprecedentë. Në këtë bashki, pritet që zgjedhjet të përsëriten, me të tjerë kandidatë.

Nga ana tjetër në Bashkinë e Malësisë së Madhe me rreth 99.7%, 103 anëtarët kanë zgjedhur me 101 vota pro Lulzim Zarën në krye të PS- së. Rezultatet e zgjedhjeve të krerëve të PS- së, kanë rikthyer në kujtesë zgjedhjet gjatë diktaturës komuniste, ku shqiptarët votonin vetëm për 1 kandidaturë dhe rezultati ishte gjithmonë mbi 90%. Ndërsa në Përmet ka humbur Kokëdhima. Kandidatja e vetme e futur në këtë garë nga Koordinatori i rajonit Vlorë Gjirokastër, Adelina Stefani, ka rezultuar të jetë aq shumë e papëlqyer, sa edhe garën me vetveten e ka humbur. Ajo ka marrë vetëm 19 vota nga anëtarët e asamblesë socialiste të Bashkisë Përmet, dhe ka marrë 23 vota kundër. Në këto kushte, ajo nuk ka marrë bekimin e strukturave për të drejtuar këtë degë.

Në Gjirokastër është zgjedhur mjeku Flamur Golemi, aktualisht drejtor në Drejtorinë e Shëndetit Publik Gjirokastër, post të cilin duhet ta braktisë pas detyrës së re. Golemi ishte përballë kandidaturës së Ismail Zeko,drejtor i Postës Gjirokastër i cili mori vetëm 42 vota kundrejt 57 votave të kandidatit fitues Flamur Golemi. Gara në Gjirokastër pritej të dëshmonte edhe mbështetjen që ka Kokëdhima në këtë qytet. Mbështetësit e këtij të fundit përkrahin kandidaturën e Zekos, ndërsa Golemi mbështetej nga struktura tradicionale e PS.