E fundit!

12:54 Politikë

Protestuesit te selia e PD/ Reagon Berisha: Janë mjerim i politikës

Kryetari i Partisë Demokratike, Sali Berisha ka folur ditë...

Akuza/ Saimir Tahiri shpëton Durim Bamin

28 Maj 2016, 10:30, Aktualitet CNA

Partia Demokratike ka akuzuar ministrin e Brendshëm, Saimir Tahiri, se është kapur në një tjetër aferë kriminale duke i ofruar paprekshmëri Durim Bamit.

Përmes një deklarate për shtyp, Sekretari për rendin dhe sigurinë në PD, Enlejd Aliabeaj tha se Bami është denoncuar nga qytetarët se disa ditë më parë ka qenë në një lokal në qendër të Niklës me armë pa leje dhe me antiplumb.

Alibeaj u shpreh se me ndihmën e shefit të komisariatit, Erjon Ismaili, pjesë e grupit të besuar Shullazi-Tahiri, Bamit i janë ofruar lehtësi. Ai tha se kjo është një dëshmi e lidhjes së Saimir Tahirit me krimin.

Deklarata e Enkelejd Alibeaj

Saimir Tahiri është kapur në një tjetër aferë kriminale.

Duke ofruar shërbimin e tij, ka garantuar paprekshmëri për Durim Bamin, i cili u denoncua nga qytetarët pasi me 21 maj, në orën 17.00, ky i fundit ishte në një lokal në qendër të Niklës, i pajisur me armë pa leje e me veshje antiplumb, edhe pse gjendet nën masën e sigurisë arrest shtëpie dhe e ka të ndaluar me vendim gjykate të dale nga banesa.

Dhe është pikërisht policia e Tahirit që duhet të garantojë zbatimin e këtij vendimi gjykate.

Me ndihmën e shefit të komisariatit, Erjon Ismaili, pjesë e grupit të besuar Shullazi-Tahiri, Bamit i janë ofruar lehtësi. Një nga ushtarët e tij është paraqitur dhe është lejuar ta marrë përsiper ai, përgjegjësinë per armët dhe pajisjet e tjera të paligjshme.

Kështu Bami i shpëtoi procedimit, me një ndërhyrje të kontrolluar nga fillimi deri në fund prej Saimir Tahirit. I akuzuari si vrasës me pagesë nga vetë radhët e mazhorancës, i dyshuari për vepra të rënda penale, është një njohje e vjetër e Saimir Tahirit.

Saimir Tahiri ka ndërmjetësuar e ka kuvenduar me të privatisht në zyrën e Ministrit të Brendshëm, në plazhe e rezidenca qeveritare.

Bami mbajti qendrimin e duhur në kohën kur u akuzua se ishte pajtuar nga Meta për të vrarë dy deputetë, qendrim që solli mbylljen e çështjes dhe ndihmoi Ramën për të kapërcyer krizën e madhe politike, ndaj sot shpërblehet nga Saimir Tahiri me paprekshmëri e me leje për të qarkulluar i armatosur.

Kjo është një tjetër dëshmi e lidhjes së Saimir Tahirit me krimin.

Dëshmi e marrdhënies së ngushtë që ai ka me banditë, trafikantë e vrasës.