Nga Kastriot Myftaraj/ 73 vite pas pushtimit fashist, Shqipëria nën sundimin e SHBA-së

25 Maj 2016, 16:00, Aktualitet CNA

Në shkurt 1943, kur Shqipëria ishte e pushtuar nga Italia fashiste, diktatori fashist italian Benito Mussolini urdhëroi shkrirjen e Partisë Fashiste Shqiptare, sepse shqiptarët nuk ishin të denjë, për fashizmin, nuk e meritonin atë. Mussolini qartësisht ishte i pakënaqur që nuk bëri dot më tepër se ç? bëri për Shqipërinë, dhe për këtë gjë fajësoi shqiptarët?
73 vite më vonë, Kryeministri i Shqipërisë e ka selinë në një ndërtesë të ngritur gjatë pushtimit fashist.
73 vite më vonë, ne diskutojmë për të zgjatur bulevardin kryesor të Tiranës, i cili është ndërtuar para pushtimit, si investim i Italisë fashiste.
73 vite më vonë, kryeqyteti ynë, Tirana, ka dy vetëm dy sheshe që e meritojnë këtë emërtim (?Skënderbeu? dhe ?Nënë Tereza?), dhe këta janë ndërtuar i pari si investim i Italisë fashiste para pushtimit, dhe i dyti gjatë pushtimit fashist.
73 vite më vonë, kryetari i bashkisë së Tiranës mburret se po ndërton një unazë përreth sheshit më të madh të kryeqytetit, të ndërtuar si investim fashist.
73 vite më vonë, Kryeministri i Shqipërisë bllokon të vetmin bulevard modern të kryeqytetit, të ndërtuar si investim i Italisë fashiste, kur pret në selinë e tij homologë dhe të tjerë shtetarë, nga vendet e Bashkimit Europian dhe NATO-s.
73 vite më vonë, ne sot debatojmë për të shembur ose jo stadiumin kombëtar, të ndërtuar gjatë pushtimit fashist, që të ndërtojmë një të ri në vend të tij.
73 vite më vonë, pjesën më të madhe të ministrive i kemi në korpusin e ndërtesave publike të ndërtuara si investim i Italisë fashiste. Bashkia e Tiranës e ka selinë në një ndërtesë të tillë.
73 vite më pas, ne kemi një Ministri të Integrimit Europian, e cila e ka selinë në një ndërtesë të ngritur në kohën e pushtimit fashist, në atë që është sot Sheshi ?Nënë Tereza?.
73 vite më pas, pallati kryesor i kryeqytetit për ceremonialet shtetërore, është ende pallati mbretëror i ndërtuar gjatë pushtimit fashist.
73 vite më pas, ne ende nuk kemi një seli të Kuvendit të Shqipërisë, por e kemi të ndarë selinë e tij, mes dy ndërtesave, njëra ku është salla e shëmtuar, e ndërtuar në kohën e regjimit komunist dhe tjetra, me zyrat e deputetëve, në ish-ndërtesën e Komitetit Qendror të PPSH (partisë komuniste), që u ngrit mbi themelet e ndërtesës së Radio-Tiranës, në kohën e pushtimit fashist. E megjithatë, ne kemi një ndërtesë të dinjitetshme, të ngritur si seli për Kuvendin, me sallë të përshtatshme e zyra, që sot është Akademia e Arteve, në Sheshin ?Nënë Tereza?.
73 vite më pas, zyrat qëndrore të Universitetit Publik të Tiranës, gjenden në një ndërtesë të ngritur në kohën e pushtimit fashist, në Sheshin ?Nënë Tereza?.
73 vite më pas, spitali kryesor gjinekologjik i Tiranës, dhe ai më funksionali, është ende ai i ndërtuar në kohën e pushtimit fashist.
73 vite më pas, pjesa më e madhe e ndërtesave të spitalit civil të kryeqytetit janë ato të ngritura në kohën e pushtimit fashist.
73 vite më pas, Tirana ka, së bashku me bulevardin e madh, vetëm katër boshte të tjerë, të përshtatshëm për një qytet modern, Rruga e Durrësit, Rruga e Kavajës, Rruga e Elbasanit, Rruga e Dibrës. Të gjithë të ndërtuar si investim i Italisë fashiste.
73 vite më pas, Pallati i Sportit i Tiranës është një hangar i aviacionit ushtarak italian, i kohës së Luftës së Dytë Botërore, i përshtatur në kohën e shtetit komunist.
73 vite më pas, selia e bankës qendrore të vendit është në ndërtesën e ngritur si investim fashist.
73 vite më pas, të dy burgjet kryesorë të Tiranës janë në ndërtesa të kohës së pushtimit fashist.
73 vite më pas, Tirana vuan ende problemin e furnizmit me ujë. Ujësjellësi i Tiranës nisi të ndërtohet në 1939, pas pushtimit fashist.
73 vite më parë, regjimi fashist, me kapitullimin e tij na dorëzoi një qytet të Tiranës që përbënte një mrekulli gjeometrike, me perspektivë zgjerimi të rregullt. Këtë mrekulli e bëri fashizmi në më pak se 20 vite prej atij që ishte katundi i madh i Tiranës, i shpallur kryeqytet për emergjencë politike.
E njëjta tablo, si për Tiranën, mund të bëhet për çdo qytet të Shqipërisë.
73 vite më parë Mussolini tha se shqiptarët nuk ishin të denjë për fashizmin.
Sepse Mussolini nuk ishte i kënaqur me kaq sa u bë, në kaq pak kohë, në Shqipëri.
?Fashizëm?, ?komunizëm?, ?demokraci? janë të gjitha abstraksione politike që duhen gjykuar nga arritjet konkrete në të mirë të banorëve të vendit. Unë nuk jam fashist, jam thjesht faktist.
73 vite më parë Shqipëria ishte një vend i pushtuar ushtarakisht. Sot Shqipëria është një vend që në letër është i lirë, por ku SHBA ushtron sundim deri në atë shkallë që nuk e ëndërronte Italia fashiste dhe Gjermania naziste pas saj.Pyetja është se çfarë marrim në këmbim.
Pse nuk ka kurajë sot një President amerikan që të thotë për një vend si Shqipëria se nuk e meriton demokracinë dhe partitë politike në vend duhen shkrirë? Sepse asnjë President amerikan nuk ka menduar aq seriozisht për Shqipërinë sa Mussolini.