Arrestohen vrasësit e babait/Bashkëpunuan me nënën e tyre

25 Maj 2016, 11:35, Aktualitet CNA

Specialistët e Sektorit për Krimet e Rënda në Drejtorinë Vendore të Policisë Durrës në bashkëpunim me Prokurorinë e Gjykatës së Shkallës së Parë , pas një hetimi intensiv 2- mujor, me metoda speciale të hetimit, kanë bërë të mundur zbardhjen dhe dokumentimin e ngjarjes së datës 18.03.2016, duke ndaluar autorët e dyshuar, shtetasit, Arban Djaloshi 26 vjeç, banues në fshatin Shkallë, Manëz, i dënuar më parë për vjedhje dhe F. Djaloshi, vëllai i tij si dhe shtetasen 46 vjecare Bardhe Djaloshi nëna e tyre.

Sipas policisë ndalimi i tyre u bë pasi në zbatim të Urdhërit të Ndalimit të datës 24.05.2016, të Prokurorisë pranë Gjykatës së Shkallës së Parë Durrës, urdhërohet ndalimi i shtetasve të mësipërm për veprën penale të ?Vrasjes për shkak të marrëdhënieve familjare?në bashkëpunim, parashikuar nga nenet 79/c dhe 25 të Kodit Penal, pasi dyshohen se janë autorë të vrasjes së shtetasit Mirosh Djaloshi. Autorët e dyshuar janë përkatësisht dy djemtë dhe bashkëshortja e viktimës. Motivi i vrasjes është për konfikte familjare dhe policia nuk jep më shumë detaje për shkak të sekretit hetimor.//citynews

Përmbledhje e ngjarjes së ndodhur:

Më datë 18.03.2016, në orët e para të mëngjesit, në fshatin Shkallë, Manëz, në oborrin e banesës së tij, është gjetur i vdekur nga familjarët, i goditur me sendë të forta në kokë, shtetasi:

Policia e Durrësit bën me dije se po punon në mënyrë intesive dhe i garanton të gjithë qytetarët se vijojnë hetimet për zbulimin dhe dokumentimin e të gjitha ngjarjeve të rënda të ndodhura në Qarkun e Durrësit, momentalisht pa autorë, duke siguruar vënien para përgjegjësisë penale autorët e tyre.