web counter
LEXO PA REKLAMA!

SHKARKO APP

App Store
Google Play

E fundit!

x

AAK/ Ali Berisha: Le të shtyhet liberalizimi, tokën nuk e japim

25 Maj 2016, 07:58, Aktualitet CNA

Deputeti i AAK-së, Ali Berisha, në një intervistë për emisionin ?Interaktiv? të KTV-së ka thënë se Demarkacioni i kufirit me Malin e Zi nuk duhet të shërbejë si kusht për liberalizimin e vizave dhe nëse Demarkacioni ratifikohet në Kuvendin e Kosovës, sipas tij, do të ketë dëme shekullore për vendin.

Në një intervistë për emisionin ?Interaktiv? të KTV-së, deputeti I AAK-së, Ali Berisha ka thënë së Demarkacioni me Malin e Zi nuk duhet të shërbejë si kusht për liberalizimin e vizave dhe nësë Demarkacioni ratifikohet në Kuvendin e Kosovës, do të ketë dëme shekullore për vendin.

Berisha u shpreh se disa deputetë të koalicionit qeveritar kanë reflektuar dhe kanë shfaqur kundërshtimin e tyre për Demarkacionin me Malin e Zi. Ai ka shtuar se këta deputetë i kanë dhënë shpresë opozitës se kjo marrëveshje do të kundërshtohet në Kuvendin e Kosovës.

?Është zhvillim pozitiv sepse e kemi të qartë se deputetët e PDK-së janë më të informuar për situatën atje. Janë të informuar drejtë për hektarë tokë që i jepen Malit të Zi. Një reflektim i tyre po shihet dhe besoj se edhe deputetët tjerë do ta kenë një qasje të tillë?, ka thënë Berisha.

?Kjo na jep një shpresë që marrëveshja duhet të kundërshtohet nga të gjithë. Nga opozita është kundërshtuar, besoj se kemi reflektim nga partitë tjera, sidomos nga disa deputetë të PDK-së?, ka shtuar ai.

Sekretari organizativ i AAK-së ka thënë se asnjë deputet i Kuvendit nuk do të jetë i gatshëm ta votojë formën e tanishme të Demarkacionit me Malin e Zi dhe ka bërë thirrje që kjo marrëveshje të ndryshohet, transmeton Koha.net.

?Marrëveshja duhet të ratifikohet dhe assesi nuk besoj se ndonjë deputetë i Kuvendit do të jetë i gatshëm ta votojë marrëveshjen e dëmshme. Reflektimi pozitivë i deputetëve do të ndikojë edhe te të tjerët?, ka thënë Berisha.

Marrëveshjet që kanë ndikime shumëvjeçare për Kosovën nuk duhet të votohen. Këto kanë ndikim të keq për qytetarët për dekada e shekuj. Asnjë deputetë nuk besoj se do ta marrë guximin që ta votojë atë marrëveshje sepse tani është e qartë se me këtë marrëveshje Kosova humb shumë?.

Ai ka përsëritur qëndrimin e partive opozitare se Demarkacioni me Malin e Zi nuk duhet të shërbejë si kusht për liberalizimin e vizave për Kosovën.





Lajmet e fundit nga