web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Firma e ish-deputetit socialist, babait të shefit të kabinentit të Haxhinastos përfitoi 1.7 miliardë lekë në 2 vite

25 Maj 2016, 11:19, Aktualitet CNA

Aksidenti i ndodhur në Kavajë ku humbën jetën dy fëmijë nxorri në pah një skandal i cili tashmë ka nisur të hetohet nga organi i akuzës. Bëhet fjalë për trafikndarësen e rrugës, e cila nuk ekzistonte në momentin e ndodhjes së aksidentit. Ndonëse hetimet ende s?kanë përfunduar, paraprakisht dyshohet se mungesa e trafikndarëses ka shkaktuar aksidentin tragjik. Ndërkaq, rezulton se firma ?Pienvis?, e cila ka përfituar nga mungesa e trafikndarëses për shkak të pikës së karburantit, është edhe firma përfituese e një tenderi 300 milionësh për mirëmbajtjen e aksit rrugor Plepa-Rrogozhinë.

Djali i pronarit të firmës ?Pienvis?, ish-deputetit socialist Pilo Këri, Krislen Keri rezulton të jetë Drejtor Projektesh në Ministrinë e Transportit, ndërsa më parë ka mbajtur detyrën e Shefit të kabinetit. Sipas një kërkimi të citynews, hidhen dyshime se firma e babit të shefit të kabinetit në Ministrinë e drejtuar nga Edmond Haxhinasto, është favorizuar në procedura të prokurimit publik. Në vetëm 2 vite, rezulton se firma ?Pienvis? ka përfituar nga buxheti i shtetit plot 1.72 miliardë lekë.

Referuar transaksioneve nga Thesari i Shtetit, mësohet se në vitin 2015, kompania ka përfituar 150,472,758 lekë të reja.Ndërsa në vitin 2014, kjo kompani ka përfituar 21,757,487 lekë të reja. Punët publike të kryera nga Pienvis krislen kerivarjojnë nga ndërtime objektesh e deri në asfaltime rrugësh.

Vlen të theksohet se pozicioni i Krislen Kerit në Ministrinë e Transporteve ka sjellë dyshimet se firma e babait të tij mund të jetë favorizuar si në rastet e përfitimit të fondeve publike, ashtu edhe në rastin e vendosjes së trafikndarëses në vendin ku humbën jetën dy fëmijë./citynews





Lajmet e fundit nga