Ndërtimi te Parku/ Ish ambjentalisti Eljan Tanini bëhet vegla e Erjon Veliajt

25 Maj 2016, 13:20, Aktualitet CNA

Këndi i lojërave te Parku i Liqenit nuk është inauguruar ende nga kryetari i Bashkisë së Tiranës, Erjon Veliaj, që premtoi se do të jetë gati në 1 Qershor. Protestat e shoqërisë civile u zbehën ngadalë dhe tashmë janë harruar.

Qytetarët që protestuan kundër betonit në park ishin shumë, por njëri prej tyre ra në sy për shkak të artikulimit dhe ideve të qarta. Eljan Tanini tërhoqi vëmëndjen e mediave si një përfaqësues i të rinjve protestues, larg ndikimit të partive politike.

Por pas të fortëve që Erjon Veliaj dërgoi në park për të rrahur protestuesit, pas brutalitetit të policisë që shoqëroi në komisariat protestuesit, Eljani duket se ka pësuar një transformim të plotë.

Një lloj sindrome e Stokholmit për personin që pak javë më parë dilte protestonte në rrugë. Ende pa u mbyllur punimet në Park, Eljani i ka harruar protestat dhe është bërë palë me Erjon Velinë.

Fillimisht iu bashkua protestës kundër gjykatave. Një foto e publikuar e tregon teksa dëgjon me endje fjalimin pas krahëve të Velisë. Dalja ishte deri diku normale, pavarësisht kontradiktave që mbart.

Sot publikohet një foto tjetër. Eljan Tanini dhe Erjon Veliaj shtrëngojnë duart pas marrjes së një çmimi nga bashkia.

?3. Elian Tanini, Titulli i veprës ?Raketa?
Raketë, origam ose avion që imiton aeroplanët prej letre, të cilët i bëjnë fëmijët në lojërat e tyre, si një vepër kulti që i kushtohet lojës së fëmijës bashkë me të dhe memories së qytetit. Do të jetë 11 metër i gjatë, rreth 2.5 m i gjerë, sa gjatësia reale e një avioni ?Mig? që dikur gjendej shpesh në ish fushën e aviacionit. Ky avion letre që mban mbi shpinë pjesëza letërsie për fëmijë nga kartonët e asaj kohe, personazhe fëmijësh etj. Pozicioni: ish fusha e aviacionit? thuhet në njoftimin e Bashkisë së Tiranes.

Përveçse një tallje e hapur me qytetarët, kjo lojë bëhet më e turpshme nëse ka qenë e mirëmenduar. Natyrshëm lind pyetja, a është përdorur Eljan Tanini nga Veliaj për protestat tek Parku i LIqenit? Roli i të dyve i ngjan një skeme që dikur Edi Rama përdori me vetë Veliajn, kur ai gjoja protestonte kundër PS si përfaqësues i shoqërisë civile, me synimin për t?u katapultuar vetë në PS./ lapsi