web counter
LEXO PA REKLAMA!

SHKARKO APP

App Store
Google Play

Video- skandali/ Qytetarët presin me orë të tëra për të shkuar në Tiranë

23 Maj 2016, 13:42, Aktualitet CNA

Të udhëtosh me mjete transporti në drejtim të  kryeqytetit nuk është aq e thjeshtë sa duket, edhe pse infrastuktura rrugore është në kushte të mira.

Citynews sjell këtë video nga qyteti i Elbasanit, ku dhjetra qytetarë presin nisjen autobusin për të shkuar në Tiranë. Sic shihet edhe nga videon e denoncuar nga vetë qytetarët, ata presin me orë të tëra për tu nisur në drejtim të kryeqytetit.

Të rinj, të vjetër, meshkuj e femra, torturohen duke pritur nisjen e autobusit. Nga qyteti i Elbasanit deri në Tiranë, udhëtimi nuk zgjat më shumë se vjen 45 minuta, por qytetarët duhet të presin 5 fishin e kësaj kohe për tu nisur.

Papërgjegjshmëria e kompanive të transportit ka sjellë kaos dhe torturë si në kohën e diktaturës. Jemi në vitin 2016 dhe kompanitë nuk mund të sigurojnë autobusa për të udhëtuar nga një qytet në tjetrin. Ndërkohë që ligji është ndryshuar për të përmirësuar pikërisht këto kushte për qytetarët, duket se ajo ka krijuar monopole klienteliste që menjëherë i janë shfaqur pasojat.

Një qytet që është vetëm disa minuta larg, kthehet në makthin e vërtetë të pasagjerëve, të cilëve i duket sikur po udhëtojnë jashtë vendit. Transporti ndërqytetas dhe kushtet që ofrojnë kompanitë janë shumë larg pritshmërive të qytetarëve./citynews

Më poshtë, video nga pritja e qytetarëve për tu nisur në Tiranë





Lajmet e fundit nga